Sport

Liverpooli me probleme në mbrojtje, Klopp: Kemi hapur derën e merkatos

Autori: Gazeta inFokus 07:18 | 25 December 2018

Liverpooli po zhvillon një sezon tejet pozitiv në kampionatin anglez, pasi kryeson me meritë renditjen, duke grumbulluar 48 pikë në 18 ndeshje, 4 më tepër se Manchester City ndjekës dhe mbi të gjitha, pa e provuar ende shijen e humbjes.

“Gjatë janarit ne do të lëmë derën hapur dhe shpresojmë që të ndodhë ndonjë gjë. Shpresojmë të kemi ndonjë mundësi të mirë për t’u përforcuar, pasi në vitin e ardhshëm na pret një kalendar shumë i ngjeshur, me ndeshje vërtetë torturuese”, u shpreh trajneri gjerman.

Jurgen Klopp duket se shpreson që të afrojë ndonjë lojtar në repartin e mbrojtjes, ku Alexander-Arnold, Joel Matip dhe Joe Gomez janë të dëmtuar, ndërsa Dejan Lovren sapo është rikthyer në fushën e lojës.

-Advertisement-

Gjatë kësaj faze të parë të sezonit, shpesh Klopp ka kthyer James Milnerin të luajë në repartin e prapavijës, por duke qenë se klubi pretendon triumfin në disa kompeticione, atëherë është e nevojshme që të ketë më shumë alternativa, që të shtojnë konkurrencën dhe cilësinë.

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera