Lajme

LIVE: Pas pak vendimi përfundimtar për Haradinajn (Foto)

Autori: Gazeta inFokus 08:58 | 27 April 2017

Gjykata në Colmar të Francës pritet që sot rreth orës 09:00 të vendos për rastin e ish-kryeministrit Ramush Haradinaj, mbi të cilin rëndojnë akuzat e autoriteteve të Serbisë për, siç thuhet, krime lufte të kryera në periudhën e viteve 1998-1999.

Autoritetet franceze kanë shtuar masat e sigurisë në hyrje të objektit të Gjykatës ku pas pak pritet në nis seanca përfundimtare.

Gjykata në Colmar të Francës, që ka shtyrë vendimin e saj përfundimtar prej më shumë se tre muajsh, ka pranuar akuza shtesë nga autoritetet serbe që dallojnë, siç thuhet, nga ato të gjykuara vite më parë nga Gjykata për krime lufte në ish-Jugosllavi me të cilat është përballur Haradinaj në dy rastet e gjykimit në Hagë.

Kryetar i Aleancës për Ardhmërinë e Kosovës, është ndaluar nga policia franceze më 4 janar, në bazë të një urdhër-arresti ndërkombëtar të lëshuar nga Serbia përmes Interpolit.

Etiketa:

Të tjera

Fokusi

lajme