Lajme

“Lista Srpska ka monopolizuar jetën politike në mjediset serbe”

Autori: Gazeta inFokus 14:31 | 13 April 2022

Departamentit Amerikan i Shtetit ka publikuar raportin mbi praktikat e të drejtave të njeriut në Kosovë për vitin 2021, ku thuhet se Lista Serbe po përdorë taktika të frikësimit te serbët e Kosovës që ta përkrahin Listën Serbe, raporton Gazeta Express.

Në raport, DASH citon vëzhguesit e BE-së të cilët kanë monitoruar zgjedhjet, të cilët thonë se Lista Serbe ka monopolizuar jetën politike në komunitetet ku jetojnë serbët.

“Perspektivat për partitë opozitare në zonat serbe të Kosovës mbetet i kufizuar, megjithatë, për shkak të presionit të raportuar dhe taktikave të frikësimit për të ndikuar te serbët e Kosovës që të mbështesin Listën Srpska. Një deklaratë e vëzhguesit të zgjedhjeve të BE-së vuri në dukje se Lista Srpska kishte monopolizuar jetën politike në komunitetet serbe të Kosovës, kështu duke kufizuar konkurrencën politike dhe zgjedhjen e votuesve. Në maj, OJQ-ja e serbëve të Kosovës Neë Social Initiative publikoi një raport duke vënë në dukje mungesën e politikës pluraliste në komunitetin serb të Kosovës, duke shtuar se një mungesë e perceptuar e lirisë dhe presioni nga përfaqësuesit politikë dhe institucionalë frenoi pluralizmin”, thuhet në raportin e Departamentit të Shtetit.

-Advertisement-

Subscribe në YouTube: GAZETA INFOKUSI