Lajme

“Lista Serbe po ju mban të shtypur”, dy deputetët opozitarë serbë shkojnë në Zveçan, protestuesit përplasen me ta

Autori: Gazeta inFokus 15:19 | 20 June 2023

Portali Kossev ka publikuar një video të përplasjeve verbale që serbët që po protestojnë në Zveçan, kanë pasur me dy deputetët e opozitës në Serbi, Miroslav Aleksiq dhe Aleksandar Jovanoviq.

Dy deputetë të Kuvendit të Serbisë, Miroslav Aleksiq dhe Aleksandar Jovanoviq, nënkryetari i Partisë Popullore dhe lider i Lëvizjes Kryengritja Ekologjike, kanë qenë sot pasdite para ndërtesës së bllokuar komunale në Zveçan.

Siç deklaruan ata, kanë ardhur këtu për të mbështetur qytetarët që protestojnë për të katërtën javë. Me ta ishte edhe kryetari i Komitetit Krahinor të Partisë Popullore, Zharko Ristiq. Pas deklaratave të shkurtra për një numër më të vogël mediash, 4-5 qytetarë kanë reaguar dhunshëm.

-Advertisement-

Ndër të tjera, para mediave ata thanë se Lista Serbe është një “projekt” që ka bërë gjithçka për t’i mbajtur serbët “të shtypur”, për të qenë në geto dhe se ngadalë një nga një ata po heqin dorë dhe po ikin nga Kosova.

Disa qytetarë janë konfrontuar me ta duke i akuzuar se kanë ardhur atje për të “mbledhur pikë politike”.

Kishte edhe nga ata që i kritikuan se ishin ata që “e liruan Kurtin nga burgu dhe e dërguan Millosheviqin në Hagë”.

Deputetët serbë më pas janë nisur drejt veriut të Mitrovicës.

Subscribe në YouTube: GAZETA INFOKUSI
Etiketa:
A prishet cilësia e gjumit nëse pini kafe në mbrëmje?
-Advertisement-

Të tjera

Fokusi

lajme