Lajme

Lista Serbe pas takimit me Lajçakun: S’kthehemi në institucione pa u bërë Asociacioni

Autori: Gazeta inFokus 18:22 | 11 May 2023

Lista Serbe ka deklaruar se në takimin e së enjtes me Përfaqësuesin Special të Bashkimit Evropian për dialogun Kosovë-Serbi, Miroslav Lajçak, në veri të Mitrovicës është diskutuar për situatën politike dhe të sigurisë në Kosovë.

Në deklaratën e lëshuar në faqen zyrtare të kësaj partie, thuhet se përfaqësuesit e Listës Serbe i kanë thënë Lajçakut se serbët e veriut nuk do të kthehen në institucionet e Kosovës derisa të formohet Asociacioni i komunave me shumië serbe “në përputhje me marrëveshjet e vitit 2013 dhe 2015 të arritura në Bruksel”.

Më tej thuhet se është diskutuar edhe për zgjedhjet e jashtëzakonshme të mbajtura më 23 prill në katër komuna veriore, rezultatet e të cilave Lista Serbe thotë se nuk i njeh.

-Advertisement-

“Në takim u shprehën shqetësimet e qytetarëve për represionin e vazhdueshëm të regjimit të Albin Kurtit ndaj serbëve në Kosovë, veçanërisht në veri. Theksuam se Lista Serbe, por edhe i gjithë populli serb nuk i njeh rezultatet zgjedhore në të cilat dolën 0.02% e serbëve, dhe se ato janë rezultat i proceseve ilegale, jolegjitime dhe jodemokratike, të cilat ekspozuan synimin e Kurtit për pushtimin e veriut, dhe se ndryshe nga ai, ne jemi të interesuar që ta ruajmë paqen, por edhe ta ruajmë popullin serb në këtë rajon. Ritheksuam se vendimi i popullit serb është që të largohen nga institucionet dhe të mos marrin pjesë në këto zgjedhje të rrejshme dhe se asnjë nga serbët e veriut nuk do të kthehet në institucione derisa të formohet Asociacioni i komunave serbe në përputhje me marrëveshjet e vitit 2013 dhe 2015 në Bruksel, dhe të tërheqin të gjitha njësitë speciale nga veriu i Kosovës”, thuhet në deklaratë.

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

lajme