Lista Serbe njoftoi se e ka paditur, reagon gazetari Pleurat Salihu dhe paralajmëron padi për Simiqin
![](https://gazetainfokus.com/wp-content/uploads/2023/06/Lista-serbe-foto-REL-e1530033727802-1130x635-11-852x460.jpg)
Autori: Gazeta inFokus
17:29 | 18 June 2023
Lista Serbe ka njoftuar se ish-kryetari i komunës së Leposaviqit, Zoran Todiq dhe anëtari i Kryesisë së kësaj partie, Slavko Simiq, kanë dorëzuar padi kundër gazetarit Pleurat Salihu, pasi sipas tyre, i njëjti “pa asnjë provë” është deklaruar për sulmin në Leposaviq më 16 qershor.
Salihu i cili është në mesin e gazetarëve që ka pësuar lëndime të rënda nga sulmi i personave të maskuar, të shtunën ka akuzuar Slavko Simiqin se “iu ka dhënë urdhër grupeve kriminale serbe” për t’i sulmuar mediat.
Lista Serbe ka deklaruar se padia do të përfshijë edhe ministrin Elbert Krasniqi “për akuza të rreme dhe të pabaza” duke i etiketuar protestuesit si “udhëheqës të grupeve kriminale.”
“Përfaqësuesit e komunës së Leposaviqit në emër të Listës Serbe dënuan qartë dhe pa mëdyshje çdo sulm ndaj gazetarëve dhe theksuan se një trajtim i tillë është i papranueshëm dhe se ata gjithmonë dhe në çdo rast janë udhëhequr ekskluzivisht nga parimet e tilla. Populli serb në veri të Kosovës dhe Metohisë po vuan prej muajsh represionin dhe terrorin e përditshëm të Albin Kurtit dhe brutalitetin e pjesëtarëve të njësive të tij speciale të policisë së Kosovës të cilët ngacmojnë brutalisht popullin paqësor serb, duke provokuar tensione dhe duke arrestuar serbët pa asnjë provë dhe fajësi, si në rastin e Dushan Obrenoviqit, Rados Petroviqit, Milun Milenkoviqit, Nemanja Vllashkoviqit dhe Dalibor Spasiqit të cilët vuajnë pa asnjë faj”, thuhet në reagimin e Listës Serbe.
Sipas Listes Serbe, Todiq dhe Simiq kanë “negociuar vazhdimisht me përfaqësuesit e KFOR-it pikërisht për të qetësuar tensionet në terren të ngritura nga veprimet e njëanshme dhe provokimet e vazhdueshme të Prishtinës”.
E në anën tjetër edhe gazetari Salihu ka paralajmëruar padi ndaj Smiqit, duke thënë se “i gjallë nuk kam me të lëshu duke të bërë padi, derisa drejtësia të vijë në vend”.
“Të hënën e ke padinë…Sa të kam jetë kam me të njekë me padi, kurrë nuk ta fali. Jo për plagën time, por për plagën që ia keni shkaktuar fjalës së lirë, raportimit të drejtë dhe urdhrin që e ke dhënë për sulmin ndaj mediave. Këtu shihesh duke u koordinuar. 2. Tre personave që komunikove me ta kur tu afruan dhe të thanë serbisht, ‘Imamo uruzie’. Dhe pastaj shkuan tek rrugica afër kafiterisë, që ju I thoni ‘kafana’. 3. Kur, me tu larguar vetura e ministrit Krasniqi, ke bërtit, ‘Udrite na mediama’, ti Sllavko Simiç. A ky ish-kryetari I Leposaviqit ka dhanë urdhër që të sulmohen vetura e ministrit. Për sot, kjo. Shihemi në Gjyq. I gjallë nuk kam me të lëshu duke të bërë padi, derisa drejtësia të vije në vend”, ka shkruar ai në Facebook.
![](https://gazetainfokus.com/wp-content/uploads/2023/10/sami1.jpg)
Të tjera
-
Plagoset një burrë me armë gjuetie në Vushtrri, dërgohet në QKUK
Një burrë është arrestuar në Sllakoc të Vushtrrisë, i cili dyshohet se plagos...
-
7 vjet nga votimi i Qeverisë Haradinaj
Sot mbushen shtatë vjet kur tashmë ish-legjislatura e gjashtë e Kuvendit të K...
-
Trajkoviq: Vuçiq nuk heq dorë lehtë nga strukturat mafioze si Radoiçiq e Veselinoviq, i shërbejnë projekteve të tij personale
Në një situatë ku po vijnë shantazhe nga të gjitha anët, strategji e presiden...
-
Dronët rusë shkelin hapësirën ajrore të Rumanisë dhe Letonisë
Dy shtete, anëtare të NATO-s, thanë të dielën se dronët rusë shkelën hapësirë...
-
Këto janë vendet me rritjen më të lartë ekonomike në BE
Ekonomia e eurozonës dhe Bashkimit Evropian u rritën vetëm në mënyrë modeste ...
-
Disa të vdekur e të lënduar pas tri aksidenteve me aeroplanë të vegjël në Gjermani
Tre persona në Gjermani vdiqën në dy aksidente të veçanta avioni në shtetin e...
-
“SHOTA” fiton çmimin kryesor në Festivalin Ndërkombëtar të Folklorit në Spanjë
Ansambli Kombëtar “SHOTA” ka fituar çmimin kryesor në Festivalin Ndërkombëtar...
-
Zgjedhjet e nëntorit në SHBA! Garë e ngushtë mes republikanit Trump dhe demokrates Harris, ja çfarë tregon sondazhi i fundit
Në Shtetet e Bashkuara, kandidati republikan për president Donald Trump dhe r...
-
Moti sot, me diell dhe vranësira të shpërndara
Mbi vendin tonë sot do të mbajë mot me diell dhe vranësira të shpërndara. Vra...
-
Sot mblidhet Kryesia e Kuvendit, ky është rendi i ditës
Sot do të mblidhet kryesia e kuvendit, ku në rend dite janë katër pika. Në...
-
Eurodeputeti austriak: Vetëm me ndryshimin e rrethanave politike në BE është i mundur një kompromis për Kosovën
Shefi i delegacionit të Partisë së Lirisë së Austrisë (FPO) në Parlamentin Ev...
-
Vera merr fund përfundimisht, ulje drastike e temperaturave dhe përmbytje, borë në zonat malore
Pas temperaturave jashtëzakonisht të larta që kanë mbretëruar pothuajse gjatë...