Lajme

LISTA “BOMBË”/ Kush janë “bossat” e Elbasanit dhe lidhjet familjare mes tyre

Autori: Gazeta inFokus 16:28 | 04 November 2017

Prokuroria ka kërkuar verifikimin e pasurisë së 66 personave nga Elbasani, pjesë e të cilëve janë edhe familjar të kreut të bashkisë së qytetit, Qazim Sejdini.

Lista përmban 66 emra, por Albeu.com ju sjell ata që spikasin më shumë si edhe lidhjet familjare me Qazim Sejdinin:

Sokol Sanxhaktari është dhëndri i Qazim Sejdinit. Në listë është thuajse e gjithë familja e Sokolit duke filluar nga babai i tij, Astrit Sanxhaktari e deri tek motra, Lindita Sanxhaktari.

-Advertisement-

Në listë është edhe vajza tjetër e Qazim Sejdinit, Imelda Sejdini, e cila është e datëlindjes 14 dhjetor 1978.

Po ashtu, prokuroria ka kërkuar verifikim të pasurisë edhe për motrën e Qazim Sejdinit si edhe nipërve dhe mbesave të tij.

Krahas familjes Sejdini dhe Sanxhaktari, në listë gjendet edhe familja e Petrit Çelës, biznesmenit që ka në pronësi tregun Agroushqimor ky hyri makina e blinduar pasi goditi policët pak javë më parë në Elbasan.

Krahas Petrit Çelës, është kërkuar verifikimi i pasurisë së djalit të tij, Suel Çelës, i cili ka edhe emrin tjetër Marjus Lulaj si edhe bashkëshortes së Petritit, Hene dhe djalit më të vogël, Mario.

Subscribe në YouTube: GAZETA INFOKUSI