Sport

Liridon Leci: Jam mirë, do të kthehem edhe më i fortë

Autori: Gazeta inFokus 16:21 | 14 January 2021

Klubi i Llapit ka njoftuar se do të udhëtoj për në Turqi, atje ku do ta kryej fazën kryesore përgatitore për pjesën e mbetur të sezonit, shkruan Gazeta inFokus.

Me llapjanët pritet të udhëtoj edhe mbrojtësi, Liridon Leci, i cili në një prononcim për Gazetën inFokus, ka treguar se cila është gjendja e tij fizike.

“Tashmë janë bërë tre muaj nga operimi dhe gjurin e kam shumë mirë, sepse vazhdimisht kam punuar me fizioterapeutin, kam bërë fitnes dhe në pishinë. Këmbën e kam shumë mirë dhe nga e hëna do të fillojë vrapimin. Kjo është diçka që do kohë dhe nuk do të rrezikoj derisa mjekët të më japin një OK”, është shprehur Leci.

Tutje, 35 vjeçari ka thënë se nuk e di kur do të jetë gati, por do të kthehet më i fortë se kurrë.

“Me mbetet akoma për të punuar dhe akoma duhet kohë, kur do të jem gati nuk e di, por e di një gjë, do të kthehem edhe më i fortë”, ka përfunduar futbollisti prishtinas.

Leci kishte lënduar ligamentet e gjurit të djathtë në fillim të edicionit dhe nuk kishte mundur të paraqitej në stinorin vjeshtor./Gazeta inFokus/

Të tjera