Lajme

“Liria për Haradinajn, nga duart e bashkëshortes së Tony Blairit”

Autori: Gazeta inFokus 23:01 | 13 May 2017
“Ish udhëheqësi i UÇK-së, Ramush Haradinaj nuk u ekstradua në Serbi, pasi që për mbrojtëse e kishte Cherie Blairin”.
Kështu shkruan gazeta serbe “Politika”, e cila thekson se ish kryeministrin kosovar para gjykatës në Colmar të Francës e kanë mbrojtur avokatët e Shtëpisë së Avokatisë “Matrix Chambers”, themeluese dhe anëtare e së cilës është gruaja e ishin kryeministrit britanik, Tony Blair, i cili në një rast pati thënë se “kur gruaja e tij diçka thotë, ajo këtë vërtetë e mendon”, transmeton lajmi.

Sipas raportimeve të mëhershme, Cherie Blair në vitin 2009 kishte lobuar tek anëtarë të rëndësishme të Mbretërisë së Katarit, në mënyrë që aso kohe ata të takoheshin me atëherë sekretaren amerikane të shtetit, Hillary Clinton, jashtë kanaleve zyrtare.

Këto raportime të mediave serbe, ose më mirë të thuhet, këto spekulime për Ramush Haradinajn nuk kanë të ndalur që nga lirimi i tij nga Colmari.

Po ashtu aktuale në Serbi janë edhe deklaratat e Haradinajt se nëse ai bëhet kryeministër do të ndryshojë Kushtetutën dhe flamurin e Kosovës për ta futur si pjesë të Kosovës edhe Nishin.

-Advertisement-

Subscribe në YouTube: GAZETA INFOKUSI
Etiketa:

Të tjera

Fokusi

lajme