Lajme

Limaj për 8 Mars viziton Qendrën e Grave në Drenas

Autori: Gazeta inFokus 14:07 | 08 March 2018

Zëvendëskryeministri i Kosovës, Fatmir Limaj, ka vizituarsot Qendrën për Promovimin e të Drejtave të Grave në Drenas.

Me këtë rast zëvendëskryeministri Limaj u ka uruar atyre ditën e Gruas 8 Marsin. Zëvendëskryeministri Limaj u ka ofruar atyre mbështetje institucionale e posaçërisht grave dhe vajzave të mbijetuara të luftës.

“Në emër të Qeverisë së Kosovës kemi ardhur t’ua urojmë këtë ditë të shënuar për gratë në Kosovë. Nuk ka vend më të mirë se ky për ta shënuar këtë ditë. Në të njëjtën kohë edhe për t’iu ofruar mbështetjen e institucioneve të Kosovës. Nga tani e tutje do ta keni më lehtë. Kjo është ditë e shënuar për gratë. E di që nuk e keni pas lehtë. Ne bashkëndjejmë me çka jeni ballafaquar. Do t’iu ndihmojmë mos u dekurajoni”, ka thënë zëvendëskryeministri Limaj.

-Advertisement-

Nga ana e saj, drejtoresha e kësaj Qendre, Kadire Tahiraj, ka falënderuar zëvendëskryeministrin Limaj për vizitën. Tahiraj e ka njoftuar me gjendjen e kësaj organizate.

“Vizita juaj tregon se institucionet e Kosovës e kanë kthyer vëmendjen. Dëshira jonë është të kemi mbështetje institucionale dhe ju lus të mos na lini në mëshirë të kohës”, ka thënë Tahiraj.

Qendra për Promovimin e Drejtave të Grave në Drenas merret me promovimin e mbrojtjes së të Drejtave të Grave dhe fuqizimin e tyre. Në kuadër të kësaj Qendre zhvillohen një sërë aktivitetesh të ndryshme.

Subscribe në YouTube: GAZETA INFOKUSI
Etiketa:
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…
-Advertisement-

Të tjera

Fokusi

lajme