Teksa flet për 17 shkurtin e vitit 2008, thotë se ishte një moment historik e i papërsëritshëm.

Ky është zëvendëskryeministri i Kosovës, Fatmir Limaj, i cili në një intervistë për kp pohon se është fat i madh dhe mundësi unike, të jesh dëshmitar historik i realizimit të përpjekjeve shekullore të popullit.

“Natyrisht është një fat i madh ose një mundësi e veçantë unike, në jetën e një gjenerate, jo të një individi që i ofrohet mundësia të jetë dëshmitar historik i realizimit të përpjekjeve shekullore të kombit të vet, duke e bërë realitet ëndrrën shekullore tonën dhe duke e shpallur Kosovën shtet. Dhe duke e nxjerrë ose duke e futur vendin tonë apo kombin tonë, në mesin e kombeve të qytetëruara krah për krah si shtet i pavarur. Natyrisht ka qenë një ndjenjë e jashtëzakonshme, për çdo njeri në Kosovë ”, tha ai.

Thotë se shteti nuk ndërtohet nga një gjeneratë dhe se në dekadën që po hyjmë, shpreson se do të arrihet atje ku është synimi dhe dëshira. Ndërsa thotë se qytetarët nuk duhet të zhgënjehen nga shteti i ri.

Limaj pohon se nëse qytetarët, janë të pakënaqur me pushtetin, mund ta ndërrojnë atë, por jo ta shajnë dhe mos ta duan shtetin e tyre.

Sipas tij Kosova për këto dhjetë vjet, ka shënuar të arritura në të gjitha fushat, por jo aq sa është dashur dhe ka qenë e mundur. Pasi që institucionet e vendit, për këtë dekade sipas tij, kanë mund të bëjnë shumë më shumë, se sa kanë bërë deri tani.

“Institucionet e vendit në këto dhjetë vite, kanë mundur të bëjnë shumë më shumë sa që kanë bërë. Nuk ka asnjë dilemë. Dhe asnjëherë nuk është mjaftueshëm për të bërë. Kanë mund të bëjnë shumë gjëra të mira. Dhe kanë mundur të mos bëjnë shumë gabime. Por këto kanë ndodhur dhe ku jemi sot. Unë nuk jam shumë ithtar i konstatimeve të së kaluarës, ka theksuar ndër të tjera Limaj.

Kosova sipas Limajt ka nevojë për një rinisje të fuqishme e të përgjithshme, pasi që në disa raste krijohet përshtypja se ka humbur rrugën.

“Kosova ka mjekë të mirë, por ka mjekim të keq. Kosova ka arsimtarë të mirë, por ka arsim të keq. Kosova ka ndërmarrës të jashtëzakonshëm me vet iniciativë, por kemi problem me ekonominë. Dhe kjo është një paradoks. Si është e mundur ku mjekët tanë, djemtë tanë dhe gratë tona nëpër klinikat me të njohura universitare nëpër Evropë drejtojnë klinika, ndërsa në Kosovë kemi mjekësinë e keqe”.

“Është një rinisje, një reflektim brenda nesh dhe me gjet rrugën. Kam përshtypjen nganjëherë, se e kemi humbur rrugën. Po shpenzo jmë energji, ku nuk duhet. Dhe aty ku duhet për të shpenzuar energji, po dalim të lodhur, të dëshpëruar, të pakënaqur dhe punët po mbesin pa u kryer”, tha Limaj.

Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…

Sponsoruar