Lajme

Limaj kujton bashkëluftëtarin e tij Sadik Shalën

Autori: Gazeta inFokus 11:40 | 19 July 2017

Lideri i Nisma për Kosovën, Fatmir Limaj, ka kujtuar komandantin e brigadës 121, i dëshmorit Sadik Shala në 19 vjetori i rënies së tij.

Sipas Limajt, Shala ishte krahu i tij i djathtë që kur i’u bashkua UÇK-së në vitin 96’, gjithashtu shtëpia e tij dhe e familjes së tij ishte baza kryesore e UÇK-së, nga aty për herë të parë u deklarua zëdhënësi i UÇK-së, transmeton Infokusi.com

Postimin e plotë të Limajt bërë në rrjetin social “facebook” mund ta gjeni më poshtë:

-Advertisement-

“Sot është 19 vjetori i rënies heroike të themeluesit dhe komandantit të parë të logjistikës së brigadës 121, i dëshmorit Sadik Shala, i cili ishte njëri nga organizatorët e parë dhe themeluesi i njesive të UÇK-së në Pashtrik dhe Nerodime.

Sadiku ishte krahu im i djatht që kur i’u bashkuam UÇK-së në vitin 96’. Ai vuri çdo gjë në shërbim të lirisë. Shtëpia e tij dhe e familjes së tij ishte baza kryesore e UÇK-së, nga aty për herë të parë u deklarua zëdhënësi i UÇK-së.

Sadiku personalisht, dhe gjithë familja e tij dhanë gjithçka për Luftën Çlirimtare, e gjithë familja e tij mori pjesë aktive në radhët e UÇK-së, e në fund Sadiku edhe e dha jetën në mënyrë heroike në mbrojtje të popullit, për liri, e bashkë me të atë ditë ranë heroikisht edhe profesori Hamdiu, Habibi, Afrimi dhe Limani.

Lavdi veprës suaj bashkëluftëtarët e mi, gjaku juaj u bë themel i lirisë së atdheut tonë.

Lavdi dëshmorëve të kombit, kur do e ku do që kanë rënë për atdhe! FL”/INFOKUSI

Subscribe në YouTube: GAZETA INFOKUSI
Etiketa:

Të tjera

Fokusi

lajme