Ligji për skemat sociale i padrejtë
Autori: Gazeta inFokus 14:25 | 19 August 2018
Familjet që gëzojnë asistencë sociale, sipas Ligjit për Skemat Sociale, u ndalet asistenca sociale kur fëmija i mbush pesë vjet, pasi konsiderohet që fëmija është rritur.
Kjo gjë nuk është e rregulluar mirë, vlerëson deputetja Teuata Haxhiu. Edhe familjet përfituese të skemave sociale, e vlerësojnë të padrejtë ligjin aktual.
Drita Shala, nga Komuna e Fushë Kosovës, i ka katër fëmijë. Ajo thotë për Radio Kosovën se fëmijën e katërt e ka lindur me qëllimin e vetëm, që ta vazhdojë socialin, me të cilin jeton.
“I kam katër fëmijë, këtë të katërtin, që është tre muajsh, e kam bërë se ma ndalen socialin si i bëri fëmija i tretë pesë vjet. S’po kemi kah me ia majtë, po duhet me bë fëmijë për me marrë socialin”, tha Drita Shala.
Sikur Drita ka edhe raste të tjera në Kosovë. Për çështjen se asistenca sociale u ndalet fëmijëve në moshën pesëvjeçare, është shprehur e shqetësuar edhe deputetja e Kuvendit të Kosovës, Teuta Haxhiu. Sipas Haxhiut, duhet të ndryshohet Ligji për Skemat Sociale, pasi fëmijët nga mosha pesëvjeçare kanë edhe më shumë nevoja.
“Fëmijët të cilët e kalojnë moshën pesëvjeçare dhe familjes që merr asistencë sociale i ndalet asistenca sociale, sepse konsiderojnë që ai fëmijë është i rritur. Për mua fëmija nga mosha pesëvjeçare nuk është lehtësim për familjen, por është një ngarkesë që duhet të investojë familja edhe më shumë për atë fëmijë”, u shpreh Teuta Haxhiu.
Ditë më parë, ministri i Punës dhe Mirëqenies Sociale, Skënder Reçica, ka bërë të ditur se nga muaji shtator, bashkë me Bankën Botërore, kanë planifikuar ta bëjnë një hulumtim më të gjerë të skemës sociale nëpër të gjitha komunat e Kosovës. Varësisht nga rezultatet e këtij hulumtimi, do të vlerësohet se a do të këtë nevojë për ndryshim-plotësimin e Ligjit për Skemat Sociale.
“Shpenzimet për familje edhe pas moshës pesëvjeçare veç sa rriten, dhe kjo është ajo çfarë në jemi duke bërë dhe bashkë me Bankën Botërore jemi angazhuar që të jemi në terren. Ne kemi shtuar kontrollet sa i përket përfituesve të asistencës sociale, pothuajse nuk jemi duke lënë asnjë dosje pa e kontrolluar”, tha Skender Reçica.
Sipas të dhënave nga Ministria e Punës dhe Mirëqenies, në Skemën e Ndihmës Sociale në muajin korrik kanë qenë 25 mijë e 773 familje. Ndërsa buxheti vjetor për ndihmat sociale është mbi 31 milionë euro.
Të tjera
-
Kurti takohet me deputetë gjermanë në Berlin, flasin për aplikimin e Kosovës në KiE
Në ditën e dytë të qëndrimit të tij në kryeqytetin e Gjermanisë, Kryeministri...
-
FSK zgjedh ushtarin më të mirë për vitin 2024
Forca e Sigurisë së Kosovës ka mbajtur sot ceremoninë e garës ndërkombëtare “...
-
Pas dyshimeve për keqpërdorim, konstituohet komisioni hetimor për subvencionimin e teksteve shkollore
Komisioni hetimor parlamentar për procesin e subvencionimit të teksteve shkol...
-
Projektligji për KPM-në, Deirdre Kevin: Ligjet janë në përputhje me standardet evropiane
Projektligji për Komisionin e Pavarur për Media, u diskutua sërish në Komisio...
-
Dhëndrri dyshohet se tentoi të vr*së ish vjehrrin, policia jep detaje për rastin në Dragash
Policia e Kosovës ka njoftuar se një burrë dyshohet se ka tentuar të vrasë nj...
-
“Nuk do ta shesim TikTok-un”, reagon pronari kinez në SHBA pas miratimit të ligjit që ndalon rrjetin social
Kompania mëmë kineze e TikTok, ByteDance, thotë se nuk ka ndërmend ta shesë b...
-
Blinken: Rusia pa ndihmën e Kinës nuk do arrinte të vazhdonte pushtimin e saj në Ukrainë
Rusia do të kishte vështirësi për të vazhduar pushtimin e saj në Ukrainë pa n...
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...