Liderët partiakë jo realist në premtime, s’kanë plan konkret për Demarkacionin, Asociacionin e Ushtrinë
Autori: Gazeta inFokus
10:23 | 07 June 2017
Partitë politike nuk kanë ide dhe plane konkrete se si do të zgjidhet çështja e Demarkacionit, Asociacionit dhe krijimi i Ushtrisë së Kosovës në qeverisjen e ardhshme.
Kështu vlerësuan analistët vendor në një prononcim për Telegrafin.
Ramush Tahiri, në një prononcim për Telegrafin tha se për asnjërën nga këto çështje nuk ka plan të saktë.
Ai tha se për dy marrëveshjet e Brukselit – Demarkacioni dhe Asociacioni, është krijuar opinion negativ tek qytetarët dhe asnjë subjekt sipas tij, nuk deklarohet nëse është pro tyre.
“Projektligji i Demarkacionit është i gatshëm dhe vetëm pritet ratifikimi i tij. Sa i përket Asociacionit të komunave gjithashtu është marrëveshja- korniza, pritet mendim i gjykatës dhe do të rregullohet. Mirëpo për të dyja është krijuar opinion negativ tek qytetarët e Kosovës dhe asnjë subjekt nuk deklarohet që është pro tyre pa marrë parasysh se kush i thërret Ulrike Lunacek apo kushdo qoftë nga Evropa. Të dyja partitë e koalicionit formalisht deklarohen kundër Demarkacionit dhe Asociacionit dhe pak a shumë kanë rënë në pozitat e Vetëvendosjes, në rishqyrtim. E, si do t’i rishqyrtojnë nëse e marrin pushtetin? Nuk ka asnjë projekt, as ide të saktë”, ka thënë Tahiri.
Ai gjithashtu foli edhe për krijimin e ushtrisë së Kosovës i cili tha se është vështirë të krijohet ushtria pa votën e minoriteteve.
“Çështja e ushtrisë është çështje edhe e procedurave edhe e ndryshimeve Kushtetuese. Mënyra se si formohet ushtria është ndryshim kushtetues, me 2/3 e votave të deputetëve plus votat e shumicës kualifikuese të minoriteteve. E në këtë gjendje është e parealizueshme. Këta mund të nxjerrin urdhër që ta formojnë një ushtri të përkohshme mirëpo ushtria nuk mund të kaloj në veri të Kosovës pasi KFOR-i nuk e lejon”, shtoi tutje Tahiri.
Ndërkaq, Imer Mushkolaj, në një prononcim për Telegrafin ka thënë se nevojitet konkretizim i mënyrës se si do të realizohen këto premtime.
Sipas tij, më shumë janë deklarata për konsum elektoral, se sa hapa konkret se si do të gjendet zgjidhja.
“Liderët partiakë nuk janë realistë në premtimet për këto çështje. Njerëzit duan të dinë konkretisht dhe në mënyrë të detajuar si do të procedohet me këto çështje problematike”, ka thënë Mushkolaj. /Telegrafi/

T� tjera
-
Osmani: Ky pushtet i largoi miqtë, nesër mund të ketë goditje edhe më të rënda për Kosovën
Deputetja e Lidhjes Demokratike të Kosovës, Vjosa Osmani tha se Kosova po e p...
-
Astrit Haraqija sot del para Gjykatës, flet avokati i tij
Ish-ministri i Kosovës, Astrit Haraqija, është arrestuar ditën e djeshme në k...
-
Rryma në dimër, Rizvanolli: Po përpiqemi maksimalisht që kostot e furnizimit të mos rriten
Ministrja e Ekonomisë, Artane Rizvanolli ka folur për mundësinë e rritjes së ...
-
Çitaku: Keqardhja e komisioneres Kos nuk mjafton, kërkojmë sqarim, kërkimfalje dhe garanci për mospërsëritje
Ushtruesja e detyrës së kryetares së PDK-së, Vlora Çitaku, ka reaguar pas dek...
-
Ymeri-Qeverisë: E konfirmuat se kishte tregti të energjisë me Serbinë, por jeni shumë vonë ta nxirrni Kosovën nga kjo “fajde”
Deputetja e LDK-së, Janina Ymeri ka reaguar menjëherë pasi Qeveria Kurti 4 ka...
-
Bajrami për ndërprerjen e tregtimit të rrymës me Serbinë: Tash po shiten si patriotë
Deputetja e LDK-së, Hykmete Bajrami, ka reaguar pas vendimit të Qeverisë së K...
-
Kurti demanton propagandën 5 vjeçare të tij me vendim të ndalimit të importit nga Serbia
Pesë vjet deklarata se nuk importohet rrymë nga Serbia, Kurti tani vendos ta ...
-
Kurti për dekretimin e Ligjit për Byronë: Kapitull i ri për drejtësi dhe barazi
Kryeministri i Kosovës, Albin Kurti, në mbledhjen e sotme të Qeverisë ka folu...
-
Pas mbi 4 milionë eurove importe të rrymës direkt nga Serbia, Kurti vendos ta ndalojë tregtimin me kompanitë serbe
Qeveria e Kosovës ka miratuar të hënën vendimin për ndalimin e tregtimit të e...
-
Dogana mbledh mbi 1.7 miliard euro për 10 muaj, ja sa u rritën të hyrat
Dogana e Kosovës ka mbledhur mbi 1.7 miliard euro gjatë 10 muajve të parë të ...
-
Kos ua lë fajin muzikantëve për melodinë nacionaliste në “Forumin e zgjerimit”
Komisionerja për Zgjerim, Marta Kos ka shprehur keqardhjen për muzikën e këng...
-
Aksidenti në tunelin e Murrizit, kjo është mjekja që humbi jetën
Doktoresha Maltina Ferati nga Tetova, është një nga viktimat e aksidentit të ...

































