Lajme

Liderët e vendeve të rajonit pro avancimit të proceseve integruese

Autori: Gazeta inFokus 09:24 | 25 May 2017

Liderët e vendeve të rajonit të pranishëm në darkën joformale në Bruksel kanë konfirmuar angazhimin e tyre të plotë për të punuar në drejtim të avancimit të proceseve integruese.

Në një komunikatë për media pas darkës me gjashtë kryeministrat e Ballkanit Perëndimor, thuhet se të pranishmit ripërsëritën vendosmërinë e tyre dhe interesin në forcimin e bashkëpunimit dhe arritjen e rezultateve të prekshme për jetën e qytetarëve të rajonit.

Ata po ashtu theksuan se do të angazhohen për marrëdhënie të mira fqinjësore dhe thellimin e mirëkuptimit rajonal, nëpërmjet respektit dhe bashkëpunimit reciprok.

-Advertisement-

Ndryshe, në këtë darkë të organizuar nga kryediplomatja evropiane me kryeministrat e gjashtë vendeve të Ballkanit Perëndimor, ishin të pranishëm edhe kryeministri në largim i Kosovës, Isa Mustafa dhe ai i Shqipërisë, Edi Rama.

Shefja e Politikës së Jashtme të BE-së, Federica Mogherini para këtij takimi të përbashkët ka mbajtur takime bilaterale me kryeministrat e vendeve të Ballkanit Perëndimor.

Subscribe në YouTube: GAZETA INFOKUSI