Lajme

Liberalizimi i vizave edhe më afër, sistemi ETIAS zyrtarisht hyn në fuqi në nëntor 2023

Autori: Gazeta inFokus 12:57 | 27 December 2022

Sistemi Evropian i Autorizimit të Udhëtimit (ETIAS), pritet të nisë së zbatuari në nëntor të vitit të ardhshëm, gjë që u njoftua edhe në faqen zyrtare të Bashkimit Evropian.

Pritja shumëvjeçare e kosovarëve për liberalizim të vizave lidhet pikërisht me funksionalizimin e këtij sistemi.

Më 30 nëntor, Ambasadorët e vendeve anëtare të Bashkimit Evropian i kanë dhënë mandatin Këshillit Evropian që të negociojë procesin e liberalizimit të vizave për Kosovën me Parlamentin Evropian.

-Advertisement-

Siç është bërë e ditur liberalizimi i vizave do të nisë në datën e nisjes së sistemit ETIAS, dhe në asnjë rast më larg se 1 janari 2024.

Kujtojmë se ambasadorët e BE-së kanë miratuar tekstin e kompromisit për liberalizimin e vizave për Kosovën përpara miratimit përfundimtar nga Këshilli i BE-së.

ETIAS është një sistem i ri, i cili pritet të vihet në funksion nga Bashkimi Evropian, ku qytetarët e shteteve që kanë liberalizim të vizave duhet të regjistrohen para se të udhëtojnë. Një regjistrim pastaj do të ishte i vlefshëm për tre vjet.

Subscribe në YouTube: GAZETA INFOKUSI