Një letër e shkruar nga artistët Vincent Van Gogh e Paul Gauguin, ku detajohet vizita e tyre në një shtëpi publike, është shitur sot në ankand për €210,600.

Letra u ble në fakt nga Fondacioni Vincent Van Gogh, në shtëpinë e ankandeve Drouot në Paris.

Dy artistët e kishin shkruar letrën për mikun e tyre, piktorin francez Emile Bernard, në fund të vitit 1888.

Në të ata përshkruajnë jetën dhe punën në qytetin francez të Arles.

Van Gogh e Gauguin, të dy piktorë post-impresionistë të famshëm në botë, ishin të bindur se po drejtonin një “rilindje të madhe të artit”, thuhet në letër.

Artistët kishin perfeksionuar vizionin e tyre në Arles, por megjithatë pasi qëndruan disa muaj së bashku miqësia e tyre u prish me sherr dhe Gauguin u largua nga qyteti.

Letra me datë 1-2 nëntor 1888, ishte shkruar disa javë para se Van Gogh të pësonte një krizë nervore, gjatë së cilës, siç dihet botërisht, ai preu veshin e tij.
Rrjedhimisht artisti holandez vrau veten në 1890.

Muzeumi i Van Gogh Museum në Amsterdam, ku letra do të vendoset në ekspozim sivjet, thotë se kjo është e vetmja korrespondencë që ai ka pasur me një artist tjetër.

Muzeumi e përshkruan atë si “dokumenti më i rëndësishëm i shkruar nga Van Gogh që ishte ende në duar private”.

Drejtoresha e Van Gogh Museum, Emilie Gordenker, tha se ishte e emocionuar për marrjen e letrës dhe vënien e saj në shfaqje.

Në letër tregohet sesi dy artistët punojnë në Arles në apartamentin e marrë me qera në atë që njihet si “Shtëpia e Verdhë”.

Mes të tjerave në letrën me katër faqe thuhet:
“Tani diçka që do të të interesojë, kemi bërë disa vizita në bordello, dhe me sa duket gjasat janë të mëdha të shkojmë përsëri atje për të punuar “.

“Për momentin Gauguin është duke punuar një pëlhurë të asaj nate në kafe, që e kam pikturuar dhe unë, por me figurat që shihen në bordello. Duket se do të dalë diçka e mrekullueshme”.

Megjithse letra i adresohet një miku, ajo është gjithashtu njëfarë dialogu mes Van Gogh e Gauguin, të cilët japin përshtypjet e para të punës së bashku.

Van Gogh e përshkruan Gauguin si “një krijesë e ashpër me instiktet e një bishe të egër”.
“Me Gauguin, gjaku dhe seksi duket se dominojnë mbi ambicjen. Por mjaft me këtë, ti e ke parë vetë nga afër më shumë se unë, unë desha të jap vetëm përshtypjet e para,” shkruan Van Gog.

KosovaMed përmbyll vitin me sukses – dhuron donacione për QKMF-në e Junikut

Sponsoruar