Lajme

Leposaviq: Policia sekuestron 272 pajisje të kriptovalutave

Autori: Gazeta inFokus 10:28 | 08 January 2022

Policia e Kosovës në orët e para të mëngjesit të së shtunës ka sekuestruar 272 pajisje për minim të kriptovalutave në fshatin Trebicë të Leposaviqit , shkruan Gazeta Infokus.

Këtë e ka bërë të ditur ministri i Punëve të Brendshme, Xhelal Sveçla, i cili njoftoi se nga ky aksion është arrestuar një person.

“Në këtë aksion në afërsi të fshatit Trebice të komunës së Leposaviqit u konfiskuan 272 nga këto lloj paisjesh dhe u arrestu një person”, ka shkruar ai në Facebook.

Gjithashtu ai tha se aksioni është zhvilluar pa incedente dhe se aksione të tilla do të vazhdojnë edhe në ditët në vijim

“Gjithë aksioni u zhvillua dhe përfundoi pa incidente. Aksione të këtilla do të vazhdojnë deri në implementimin e plotë të vendimit të Kuvendit dhe Qeverisë së Republikës”, ka shkruar Sveçla.

Kujtojmë se më 4 janar ministrja e Ekonomisë, Artane Rizvanolli, ndaloi prodhimin e kripotavlutave për shkak të krizës me energjinë në Kosovë./Gazeta Infokus/

Të tjera