Lajme

Lekaj: Kurti do t’i lë krejt institucionet e sigurisë edhe pa rroba dhe pa këpucë

Autori: Gazeta inFokus 15:01 | 14 October 2024

Deputeti i AAK-së Pal Lekaj, në seancën e jashtëzakonshme të Kuvendit tha se nuk ka moment të vështirë se të diskutohet furnizimi me ushqim për FSK-në.

“Nuk ka moment më të vështirë që para qytetarëve ta bisedojmë një çështje kaq të ndjeshme, siç është furnizimi me bukë për ushtrinë tonë”, tha ai.

“Dhe ja këta horra që s’janë sot këtu ku na kanë pru”, shtoi Lekaj.

-Advertisement-

Ai tutje tha se ndoshta një ditë do të vijë koha që kryeministri Albin Kurti “do të shkojë edhe më thellë, ku do t’i lë krejt institucionet e sigurisë edhe pa rroba, dhe pa këpucë”.

Lekaj ironizoi me mungesën e VV-së në këtë seancë, ku tha se ndoshta janë duke ngrënë produkte serbe, pas heqjeve të masave për produktet nga shteti fqinj.

“Ndoshta janë duke hëngër palzma keksa me qumësht, që ata sot e kanë furnizuar Kosovën me heqjen e masave. Por nuk ka diçka më të keqe se sot ne të japim një mesazh që ushtarët tanë duhet të mendojnë për kafshatën e gojës”.

Subscribe në YouTube: GAZETA INFOKUSI
Etiketa:
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

lajme