Lajme

Lekaj jep detaje rreth ritestimi per patentë shofer

Autori: Gazeta inFokus 15:16 | 24 September 2018

Ministri i Infrastrukturës, Pal Lekaj ka bërë të ditur se do të bëhet ritestim i patenet shoferve për të gjithë ata vozitës të cilët më parë kanë berë shkelje.

Sipas Lekajt këtij testimi do t`i nënshtrohen vetëm ata persona të cilët kanë marrë gjoba ose edhe masa të tjera ndeshkimore.

“Ritestimi i njohurive të rregullave të komunikacionit rrugor do të bëhet për të gjithë shoferët të cilët përsërisin në vazhdimësi kundërvajtjet në trafik dhe për të cilët masat tjera si gjobat, tërheqja e pikëve negative dhe pezullimi i përkohshëm i patentë shoferit nuk kanë dhënë efekt. Prandaj ritheksojmë se këtij testimi do t’i nënshtrohen vetëm shkelësit e shumëfishtë të ligjit dhe rregullave të komunikacionit rrugor”, tha ai.

-Advertisement-

Ndërsa Kryetari i Këshillit për Mbrojtjen e të Drejtave dhe Lirive të Njeriut (KMDLNJ), Behxhet Shala, ka thënë se përveçqë është shkelje ligjore, është edhe zhvatje e qytetarëve, pasi këtë proces pritet ta udhëheqë një kompani private.

Shala ka theksuar se nëse një qytetar është pajisur me patentë shofer, ai nuk ka nevojë të hyjë më në ritestim nëse paraprakisht nuk ka shkaktuar kundërvajtje të rënda dhe nuk e ka rrezikuar sigurinë e qytetarëve.

Kujtojme se ky vendim është vetëm në fazën fillestare dhe qytetaret do të njoftohen për kohen se kur do të implemtohet./GazetainFokus/

Subscribe në YouTube: GAZETA INFOKUSI
Kryetari Përparim Rama pjesë e ‘Mayor’s Talk’

Të tjera