Lajme

Lekaj: Boll është boll, Ramushi duhet t’i kthehet Kosovës!

Autori: Gazeta inFokus 17:43 | 26 April 2017

Shefi i Grupit Parlamentar të AAK-së, Pal Lekaj është shprehur i bindur se ish-kryeministri i Kosovës dhe njëherit lideri i AAK-së, Ramush Haradinaj do të shpallet i pafajshëm nesër nga Gjykata e Apelit në Colmar të Francës.

Sipas Lekajt, është absurde dhe e padretjë që Haradinaj të bahet edhe më tutje në Francë, për akuza që siç thotë ai “janë shoshitur nga niveli me i lartë i drejtësisë ndërkombëtare.”

“Nesër nuk pres asgjë më pak se sa një ditë të madhe e cila do të shënohet me një tjetër triumf për të drejten e Kosovës që është liria dhe e drejta për të ekzistuar si shtet i pavarur e që e gjithë kjo personifikohet me ish-Kryeministrin, Ramush Haradinaj.

-Advertisement-

Nuk ka asgjë më shumë se sa normim i argumentit se Ramush Haradinaj nuk ka pse të vazhdojë të mbahet padrejtësisht sot nga Franca e nesër nga askush tjetër për këto gjëra që njëherë e mirë janë shoshitur nga niveli me i lartë i drejtësisë ndërkombëtare”, tha Lekaj.

Duke qenë i bindur për luftën e drejtë të UÇK-së dhe të Haradinajt, Lekaj thotë se nesër nuk presin vendim negativ ndaj tij.

“Ne besojmë në të vërtetën dhe në të drejtën e Kosovës dhe popullit shqiptarë, ashtu besojmë edhe në të drejtën e z.Haradinaj dhe luftës së tij e të UÇK’s për çlirim, prandaj nuk dëshirojmë të besojmë e nuk besojmë që do te befasohemi për të keq kësaj radhë. Boll është boll, Ramushi duhet t’i kthehet Kosovës”, tha Lekaj.

Por ai paralajmëron se nëse vazhdohet edhe me tutje kjo lojë e “ndryrë” siç e ka quajtur Lekaj, e Serbisë ndaj Haradinajt, atëherë “përgjegjësinë për pasojat e mundshme të kësaj loje do t’i bartin të gjithë ata që në çfarëdo mënyre janë bërë pjesë e implementimit të saj”, ka thënë ai.

I pari i AAK-së, Haradinaj nesër do të dalë para Gjykatës në orën 9 të mëngjesit.

Ramush Haradinaj është ndaluar në Francë që nga fillimi i muajit janar i këtij viti bazuar në një fletëarrest të lëshuar nga Serbia përmes Interpol-it në vitin 2004.

Aktualisht, Haradinaj është duke qëndruar në Strasbourg të Francës nën masën e lirisë më kusht.

Për lirimin e Haradinajt, janë organizuar disa protesta në vend dhe jastë vendit. Së fundmi lirimin e Haradinajt e kanë kërkuar edhe mbi 600 intelektual të Kosovës përmes një peticioni.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Artmotion platforma më e pasur sportive në shqiptari

Të tjera

Fokusi

lajme