Lajme

Lehtësohet ligji, në Gjermani mund të ndryshosh gjini në dokumente

Autori: Gazeta inFokus 13:45 | 25 Gusht 2023

Qeveria gjermane ka miratuar një pr/ligj të ri i cili iu lehtëson personave transeksualë, interseksualë dhe jobinarë që të ndryshojnë emrin dhe gjininë në dokumentet zyrtare.

Drafti në fakt nuk përfshin aspektet mjekësore, por vetëm ato burokratike dhe personat e interesuar mjaftojnë të bëjnë një vetëdeklarim.

Reforma, tashmë e miratuar në kabinet, do të duhet të marrë dhe votimin në parlament, ku ka hasur kritika të shumta, sidomos nga opozita e Cdu-Csu.

-Advertisement-

Projektligji parashikon që nga personat nga mosha 18 vjeçare mund të ndryshojnë gjininë dhe emrin pa pasur nevojë për një mendim eksperti. Të miturit mbi 14 vjeç do të mund ta bëjnë këtë gjë edhe vetë, por me pëlqimin e mëvonshëm të kujdestarëve të tyre. Për të miturit deri në 14 vjeç do të jetë në dorën e kujdestarëve ligjorë që të bëjnë ndryshimin.

Në çdo rast, zyra e gjendjes civile duhet të informohet tre muaj përpara se të bëhet ndryshimi.

Deri tani në Gjermani personat transeksualë dhe jobinarë duhet të kalojnë një procedurë me dy vlerësime psikiatrike për të ndryshuar gjininë ose emrin. Më pas vendimi duhet të merret nga një gjykatë. Kostoja e procedurave shkon mesatarisht në 1900 euro./A2CNN/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy