Legalizimi vetëm pas zgjidhjes së çështjes pronësore
Autori: Gazeta inFokus 14:36 | 23 May 2018
Komisioni për Bujqësi, Pylltari, Zhvillim Rural në mbledhjen e mbajtur të enjten ka miratuar projektligjin për trajtimin e objekteve pa leje, shkruan Infokusi.com.
Anëtari i Komisionit, Liburn Aliu tha se pa u definuar çështjet e pronësisë nuk mund të fillojë procesi i legalizimit.
“Ligji e bën mjaft të qartë se nuk mund të bëhet legalizimi i plotë i asnjë objekti pa u sqaruar çështja pronësore. Pra, pa qenë e definuar çështja pronësore nuk mund të legalizohet një objekt. Mund të ketë aplikim për të, por në momentin që çështja pronësore është e pazgjidhur, ajo ndërtesë, ai objekt, ai rast, ajo lëndë vihet në listë të pritjes dhe mbetet aty derisa mos të zgjidhet çështja pronësore”, ka thënë Aliu.
E anëtari tjetër njëkohësisht zëvendëskryetar i dytë në këtë Komision, Srdjan Mitroviq tha se amendamentet e Listës Serbe janë refuzuar andaj edhe nuk do ta mbështesin këtë ligj
“Të gjitha amendamentet e Listës Serbe janë refuzuar nga ana e grupit punues. Nuk dua të komentoj amendamentet veç e veç, por sa i përket Listës Serbe ato nuk janë të pranueshme dhe si të tilla nuk do të kenë mbështetjen tonë dhe ligji nuk do të mund të marrë mbështetjen nga ana e Listës Serbe. Përmes këtyre amendamenteve, Lista Serbe tenton të zgjidhë problemin më të keq, që ekziston në territorin e Kosovës dhe kjo është çështja e pronës dhe në të njëjtën linjë edhe ndërtimet pa leje. Absolutisht është e papranueshme”, ka thënë Mitroviq.
Kryetari i këtij Komisioni, Daut Haradinaj në fund të takimit tha se qytetarët e Kosovës jajnë të barabartë me Kushtetutë prandaj nuk ka ligje etnike.
“Kemi me dhjetëra ligje, të cilat janë në fuqi, edhe mendoj që organet duhet me marrë masat për uzurpatorët, që sa më shpejt me i nxjerrë në rrugë dhe me i qit para ligjit kushdo qofshin ata. Ne kemi vërejtje edhe në pjesë të ndryshme të Kosovës. S’ka ligje etnike më, qytetarët e Kosovës janë të barabartë me Kushtetutë”, ka thënë Haradinaj.
Me propozimin e Haradinajt në fillim të kësaj mbledhje, anëtarët kanë miratuar projektligjin për Kompleksin Memorial “Adem Jashari”./INFOKUSI
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...