Mazllam Mazllami, një hoxhë nga Prizreni i cili së fundmi u bë i njohur pasi ‘xhemati’ ia dhuroi një Mercedes luksoz me rastin e pensionimit, e ka përdhosur flamurin kombëtar shqiptar, duke e quajtur harrën e leckë.

Mazllami, pas kritikave ndaj të cilit para pesë ditësh u sulmua gazetari Valon Syla, e ka incizuar një video e cila është shpërndarë në rrjetet sociale. Aty ai iu bën thirrje myslimanëve që të mos e kosniderojnë të rëndësishëm flamurin, për të cilin shumë shqiptarë luftuan, u burgosën, u torturuan e u vranë përgjatë viteve.

“Kjo është harrën, leckë, bezë. Këta kur e kemi qitë për 28 Nëntorin… Edhe mos me qitë hiç, kurrgjë s’bëhet kijameti. Populli ynë, populli shqiptar janë myslimanë 80%, e njohin më opaganizmin çka është. Ne nuk adhurojmë shqiponja, nuk adhurojmë zogj”, thotë hoxhë Mazllami.

-Advertisement-

Për të të padenjë janë edhe dëshmorët, përceç atyre që “janë dëshmorë të Allahut”.

“Shehid nuk bidet qysh po thotë dikushi – plot shehidë jemi ba, është mbushë Kosova dëshmorë. E lus Allahun që këta që kanë ra dëshmorë, ishalla janë dëshmorë të Allahut. Se na që i shkruajmë dëshmorë e ju vnojmë pllakata mas 50 vjete krejt jau thejmë”, thotë Mazllam Mazllami.

“Edhe pse është himni të gtjithë të bashkuar rreth flamurit, edhe me u bashku krejt rreth flamurit, me qet flamur në xhenet a hyjmë?”, shton ai.

Mazllam Mazllami të hënën e mori për dhuratë një veturë luksoze të tipit Mercedes dhe në organizimin e befasisë për të mori pjesë edhe Myftiu i Kosovës, Naim Tërnava. Nga kjo gazetari Syla mori shkas që të nesërmen t’i bënte disa reagime me ironi e humor, duke shkruar se si prijësit fetarë të myslimanëve në vend po duken si “njerëz të showbizit”. Në fund të ditës, u sulmua brutalisht nga tre persona, të cilët kanë pranuar se kritikat e Sylës ishin motivi i tyre, duke mos shprehur pendesë për sulmin.

Hoxha nga Prizreni para disa vitesh ishte i akuzuar për thirrje për rezistencë dhe për shtytje për kryerjen e veprave terroriste. Më saktësisht, ai dhe disa imamë të tjerë dyshohej se i kishin nxitur disa nga ‘xhemati’ i tyre të shkonin në Siri për të luftuar. Nga ky proces, Mazllami ishte shpallur i pafajshëm.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-