Lajme

LDK vazhdon tubimin në Pejë, Abdixhiku: Jemi në shtëpinë e fitimtarëve, keni qenë gjithmonë me ne

Autori: Gazeta inFokus 13:04 | 09 November 2024

Kryetari i Lidhjes Demokratike të Kosovës, Lumir Abdixhiku, tha se ‘Turneu i Ndryshimit’ nuk do të kishte kuptim po të mos ndalej në Pejë.

Ai tha se Peja është qytet identitar i Lidhjes Demokratike të Kosovës.

“Prandaj jam sot këtu, këtë të shtunë, këtë ditë pazari, me plot zemër, me plot vullnet, mbi të gjitha, me plot bindje, se jemi në shtëpinë e fitimtarëve, në qytetin tuajin e tonë, në Pejën e Lidhjes”, tha Abdixhiku.

-Advertisement-

Sipas tij, Peja ka qenë gjithmonë me LDK-në dhe me njerëzit e mirë të këtij vendi.

“Peja është me Kryetarin shembullor, burrin e Dukagjinit, mikun tim të madh, me Gazmend Muhaxherin. E kur është me Gazin, e di dhe dijmë mirë se është me mua dhe me burrat e gratë në rreshtin e gjatë të Lidhjes Demokratike të Kosovës” tha kreu i LDK-së.

Abdixhiku tha se sikurse kur “pejonët gjetën LDK-në në Pejë në vitin 2013, dhe nuk e lëshuan më njëri tjetrin vet, edhe tani, pejonët bashkë me qytetarët anembanë Kosovës do të rigjejnë LDK-në për të nisur ndryshimin e madh që ka nevojë ky vend”.

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme