Lajme

LDK: Të mos paguhen pagat në kohë krize është e pamoralshme

Autori: Gazeta inFokus 17:24 | 04 October 2022

Lidhja Demokratike e Kosovës ka thënë se Qeveria nuk ka asnjë të drejtë ligjore dhe morale që të ndërpresë pagat për mësimdhënësit.

“Komunat janë punëdhënësit dhe këtë të drejtë e kanë komunat si njësi themelore të vetëqeverisjes në Kosovë. Qeveria thirret në Nenin 18 të Ligjit për Greva, duke injoruar në tërësi Nenin 13 i cili flet për mbrojtjen e të punësuarve gjatë grevës. Ky nen shprehimisht thotë se “Për organizuesit e grevës, pjesëmarrësve grevistë dhe ndaj të punësuarve të tjerë, të cilët mbështesin grevën, nuk mund të merren masa disiplinore apo materiale…”. Masat materiale në këtë raport kontraktual kanë të bëjnë pikërisht me pagën dhe kontributet. Dukshëm ka kundërthënie në mes të Nenit 13 dhe 18, me ç’rast kjo kundërthënie nuk mund të interpretohet në dëm të palës që nuk e ka hartuar ligjin, e që janë grevistët”.

LDK e ka quajtur “të pamoralshme” mosekzekutimin e pagave.

-Advertisement-

“Për LDK-në, të mos paguhen pagat në kohë krize është e pamoralshme. Këto nuk janë para të qeverisë që të bëjë çfarë të dojë, sikurse t’ju hakmerret mësimdhënësve. Në kohën kur inflacioni vetëm ka shkuar në 20%, dhe qytetarët veç janë në krizë, qeveria lë pa paga 23,173 mësimdhënës. Është e papranueshme që sapo mbyllet një krizë, hapet një tjetër. Qeveria me këto masa po varfëron familjet dhe, nëse vazhdon me këtë ritëm, do të rrisë numrin e kërkuesve të asistencës sociale. Me inflacion ka zvogëlim të pagave në mandatin e kësaj qeverie, kurse me hakmarrjen e fundit ka ndërprerje të të hyrave për mbi 23 mijë familje.”

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë

Të tjera

Fokusi

lajme