Lajme

LDK nis aktivitetet për 34-vjetorin e themelimit te varri i Rugovës, Abdixhiku del me një thirrje për anëtarët

Autori: Gazeta inFokus 15:29 | 23 December 2023

Kreu i Lidhjes Demokratike të Kosovës, Lumir Abdixhiku, ka uruar anëtarët e LDK’së, në 34 vjetorin e themelimit të kësaj partie.

Adixhiku ka thënë se lindja e LDK’së ishte lindje e aspiratave të artikuluara politike të popullit të Kosovës për liri, për pavarësi, për demokraci.

“Sot, në këtë 34 vjetor, uroj dhe ftoj secilin anëtar të Lidhjes Demokratike të Kosovës, secilin të djathtë, patritot e rugovist, të angazhohet në rrugëtimin tonë të ri historik; fitoren e madhe të dekadës së katërt, që përmbushë ëndrrën tonë politike të ditëve të para: Kosova një shtet i lirë, i pavarur e sovran, i integruar në Bashkimin Evropian dhe në NATO dhe me miqësi të përhershme me Shtetet e Bashkuara të Amerikës”, ka shkruar Abdixhiku.

-Advertisement-

Aktivitetet e kësaj dite, Abdixhiku ka thënë se i kanë nisur me homazhe te varri i Presidentit Historik, Ibrahim Rugova, “ati themeltar i shtetit të Kosovës”.

Subscribe në YouTube: GAZETA INFOKUSI