Lajme

LDK kërkon dorëheqjen e Nagavcit: Blerja e teksteve shkollore nga prindërit do të kushtojë 20 për qind më shtrenjtë

Autori: Gazeta inFokus 10:27 | 22 August 2023

Lidhja Demokratike e Kosovës ka kërkuar dorëheqjen e ministres së Arsimit, Arbërie Nagavci, pasi e njëjta një ditë më parë njoftoi se nuk do t’i furnizojë nxënësit me tekste shkollore.

Përgjegjësinë e blerjes së teksteve shkollore MASHTI ia ka bartur prindërve duke thënë se do t’ua mbulojë koston e tyre përmes rimbursimit. Fajin për këtë dështim Nagavci ua ka atribuuar shtëpive botuese për vendosjen e çmimeve të larta të librave shkollorë.

Blerja e teksteve shkollore, MASHTI po shqyrton mundësinë që paratë t’iu barten në llogaritë e prindërve
Lexo po ashtu
Blerja e teksteve shkollore, MASHTI po shqyrton mundësinë që paratë t’iu barten në llogaritë e prindërve
E sipas LDK-së, ministria ka zgjedhur një variant i cili do të ketë shumë më i kushtueshëm për buxhetin e Kosovës.

-Advertisement-

Anëtarja e kryesisë së kësaj partie, Jehona Lushaku-Sadriu, në një konferencë për media të martën teksa ka kërkuar dorëheqjen e Ngavacit, ka thënë se një ministre e tillë i bën dëm vendit.

Sipas saj, çmimi i librave do të dalë me shtrenjtë minimalisht 20 për qind më shtrenjtë.

“Qeveria do të paguajë më shtrenjtë rimbursimin e prindërve. Shuma mund të shkojë më shumë se 2 milionë. Kjo zgjidhje ka ardhur si rezultat i dështimit të kësaj qeverie. Nuk mund ta prezantosh si zgjidhje të favorshme këtë kur do t’i kushtojë më shumë buxhetit të shtetit”, ka thënë ajo.

“Kjo qeveri në vend se të fokusohet në përmirësimin e cilësisë së librave, ka zgjedhur t’i ikë përgjegjësisë dhe t’i ngarkojë me përgjegjësi prindërit Para një viti është humbur mësimi për 1 muaj e gjysmë, miliona orë mësimore janë humbur dhe nuk janë zëvendësuar plotësisht. Prandaj, kërkojmë dorëheqjen e ministres së Arsimit. Një ministre dhe një qeveri e tillë është e dëmshme për Kosovën”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy