Lajme

LDK “kap” ndërmarrjet komunale, dy emërime politike brenda javës

Autori: Gazeta inFokus 11:49 | 28 October 2022

Pas ndërmarrjes “Prishtina Parking” ku kryeshef u zgjodh Sokol Havolli, i afërt me LDK-në, edhe një ndërmarrje tjetër komunale është bërë me kryeshef të ri që vjen po ashtu nga partia që udhëheq me komunën e Prishtinës.

Bardh Krasniqi, kandidati i Lidhjes Demokratike të Kosovës për asamblist në Prishtinë në zgjedhjet e fundit lokale, është zgjedhur tashmë kryeshef ekzekutiv i ndërmarrjes publike lokale “Sport Marketing”.

Siç ka njoftuar Komuna e Prishtinës të enjten, Krasniqi ka fituar më së shumti pikë në garën për të qenë kryeshef i “Sport Marketingut”.

-Advertisement-

Për këto dy emërime nga partia opozitare në kryeqytet, Vetëvendosje pati akuza për emërime politike dhe “kapje” të këtyre ndërmarrjeve nga LDK-ja./Buletini Ekonomik/