Lajme

“LDK ju dëgjon”, Abdixhiku tregon kërkesat e qytetarëve të Suharekës: Dorëheqje dhe shkarkim

Autori: Gazeta inFokus 20:51 | 01 December 2022

Kreu i LDK-së, Lumir Abdixhiku thotë se qytetarët në Suharekë kërkojnë dorëheqje dhe shkarkim të secilit përgjegjës në çdo segment të dështuar të shtetit; më pas luftim të dukurisë së dhunës ndaj gruas në rrënjë,.

Përmes një shkrimi në “Facebook”, Abdixhiku thotë se Kurtit iu deshën njëzet e katër orë – dhe gjithë presioni publik mbi reagimet skandaloze të tij – për të kuptuar se për çfarë është aty.

Shkrimi i plotë:

-Advertisement-

Në vend të fjalëve e reagimeve poetike, qytetarët kërkojnë përgjegjësi e veprim. Fillimisht dorëheqje dhe shkarkim të secilit përgjegjës në çdo segment të dështuar të shtetit; më pas luftim të dukurisë së dhunës ndaj gruas në rrënjë.

Kjo ishte kërkesa e qytetarëve të Suharekës në takimin e përbashkët që patëm sonte në kuadër të ‘LDK ju dëgjon’.

Kryeministrit të vendit iu deshën njëzet e katër orë – dhe gjithë presioni publik mbi reagimet skandaloze të tij – për të kuptuar se për çfarë është aty. Njëzet e katër orë për të thirrur në përgjegjësi gjithë zinxhirin përgjegjës. Koha për të reaguar ka kaluar. Tani t’i mbajë përgjegjës secilin, dhe njerëzit e tij.

Subscribe në YouTube: GAZETA INFOKUSI