Lajme

LDK-ja s’ka fuqi ta rrëzojë Qeverinë

Autori: Gazeta inFokus 08:31 | 23 April 2018

Deputeti i AAK-së, Blerim Kuçi, e ka quajtur joserioze iniciativën e LDK-së për mbajtjen e tryezës me partitë politike për temat kombëtare, ku një ndër pikat është edhe caktimi i një date për zgjedhje të reja.

Ai ka thënë se AAK-ja nuk do të jetë pjesë e kësaj konference meqë paraprakisht është dashur përgatitje më e mirë dhe koordinim më i madh.

Në një intervistë për gazetën “Epoka e re”, Kuçi ka deklaruar se LDK-ja me këtë parapërgatitje e ka dëmtuar procesin e arritjes së një lloj konsensusi.

-Advertisement-

Sipas tij, arritja e konsensusit për tema kombëtare është i nevojshëm, por jo në këtë formë.

Sa iu përket zgjedhjeve të parakohshme parlamentare, Kuçi ka thënë se ato do të mbahen në vitin 2021.

Ai ka vlerësuar se LDK-ja është e pafuqishme për ta rrëzuar Qeverinë.

Subscribe në YouTube: GAZETA INFOKUSI
Etiketa:

Të tjera

Fokusi

lajme