Lajme

LDK-ja kërkon dorëheqjen urgjente të Nagavcit, reagon Dejona Mihali

Autori: Gazeta inFokus 11:49 | 22 Gusht 2023

Pasi ministria e Arsimit nuk ka arritur t’i sigurojë librat për nxënësit e fillores, për herë të parë pas disa vjetëve, LDK-ja ka kërkuar dorëheqjen e ministres Arbërie Nagavci.

Për këtë kërkesë, ka shkruar sot zyrtarja e lartë e Lëvizjes Vetëvendosje, Dejona Milahi.

Mihali ka ironizuar me çështjen e librave dhe me kërkesën e LDK-së. Partinë opozitare e ka quajtur “LDK e 1001 akademikëve”, ndërsa çështjen e mosfurnimizimit më libra shkollë si “temë e madhe dhe jetike”.

-Advertisement-

“LDK e 1001 akademikëve, 30 e kusur vjet parti, del në konferencë për media me 22 gusht dhe gjithë çfarë propozon për temën e madhe, jetike, të teksteve shkollore për arsimin parauniversitar është: të dorëhiqet Ministrja. OK! Tjetër? Se kaq kishte mundur me e thënë dhe për shembull z. Bekë Berisha i komisionit për Siguri”, ka shkruar Mihali.

Jehona Lushaku – Sadriu nga Lidhja Demokratike e Kosovës, ka kërkuar dorëheqjen e ministres Nagavci.

Në një konferencë për media të martën, Lushaku – Sadriu ka thënë se blerja e librave nga prindërit, me rimbursim nga buxheti i shtetit, ndodh për herë të parë në historinë e Kosovës.

“Është e paprecedentë për faktin që dhjetë ditë para fillimit të vitit shkollor, MASHT-i ka bërë të ditur se nuk janë siguruar tekstet e vitit shkollor 2023/24, kjo ndodh për herë të parë në histori të Kosovës ku fëmijët mbesin pa tekste. Të dorëzuar tërësisht ministrja përpara një paaftësie për të siguruar librat, qeveria e Kosovës ka vendosur t’ua bartë përgjegjësinë prindërve”, tha Lushaku.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy