Lajme

LDK-ja ende nuk e ka përmbyllur listën me kandidatë për deputetë!

Autori: Gazeta inFokus 22:24 | 19 May 2017

Ndonëse kanë mbetur edhe më pak se dy orë kohë deri në përmbyllje të afatit për certifikimin e subjekteve politike dhe kandidatët e tyre në KQZ, që do të garojnë në zgjedhjet institucionale të 11 qershorit, Lidhja Demkratike e Kosovës ende nuk ka arritur ta përmbyllë listën e saj me kandidatë për deputetë të Kuvendit të Kosovës.

Lutfi Haziri, nënkryetar i LDK-së i tha “Gazeta Blic” se lista me kandidatë për deputetë është përpiluar mbrëmë në Këshillin e Përgjithshëm të kësaj partie, por që sipas tij, ka mbetur ende punë për tu bërë.

“Mbrëmë janë finalizuar, kurse tani janë duke punuar në to”, tha ai.

-Advertisement-

I pyetur se kush nga ish-deputetët e legjistraturës së fundit është pjesë e listës për deputetë, Haziri refuzoi të jap përgjigje me arsyetimin se nuk është kompetent.

“Nuk jam i atorizuar për të dhënë asnjë informatë, janë ekipet që kanë marrë autorizim nga Këshilli i Përgjithshëm për informata dhe për çdo gjë”, ka thënë ai.

Ndërkohë “Gazeta Blic” ka kontaktuar edhe Gentiana Azemin, zyrtare për informim në LDK lidhur me këtë çështje, por as ajo nuk ka pranuar të jap detaje me arsyetimin se do të na njoftojnë me kohë.

“Jemi në finalizim të listave. Për çdo informatë tjetër do të ju kontaktojmë në kohë”, tha ajo.

LDK-ja është në koalicion parazgjedhor me AKR-në dhe Alternativën.

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

lajme