LDK e sigurt për zgjedhje të hershme, favorizon që ato të bëhen me marrëveshje
Autori: Gazeta inFokus 12:48 | 08 June 2019
Lidhja Demokratike e Kosovës është e përkushtuar që të ndërtojë një front opozitar të qëndrueshëm, që do të rezultojë me rrëzimin e koalicionit PAN.
Nënkryetari i kësaj partie, Lutfi Haziri, thotë se tashmë kanë riaktivizuar mekanizmat e brendshëm politik për mocionin e votëbesimit. Ndonëse, thotë se favorizojnë zgjedhjet e hershme, sipas marrëveshjes, hasja në vesh të shurdhër, sipas tij, i ka bërë që të inicojnë mocionin.
Duke folur për KosovaPress, Haziri vlerëson se në Kosovë po krijohet një momentum i ri, i cili do të shkaktojë zgjedhje të hershme.
Haziri: LDK ka riinicuar mekanizmat politik të brendshëm për mocionin e mosbesimit
“LDK ka riinicu, ka riaktivizu mekanizmat politik të brendshëm për mocionin e mosbesimit. Në këtë fazë jemi në konsultime me partitë tjera, me partitë e opozitës natyrisht. Tendenca është që të ndërtohet një front opozitar i qëndrueshëm, duke pasur parasysh rolin e LDK-së si parti më e madhe, Vetëvendosjes, PSD-së dhe partive tjera që janë të përfaqësuara në Kuvendin e Republikës”, thotë ai.
Ndonëse favorizon zgjedhjet e hershme sipas një marrëveshje mes të gjitha subjekteve politike, ai thotë se kjo ide ka hasur në vesh të shurdhër.
Haziri: LDK favorizon zgjedhjet e hershme sipas marrëveshjes mes të gjitha subjekteve politke
“Besoj shumë që po krijohet një momentum i ri në Kosovë, moemntumi i ri, i cili ka me shkaktu zgjedhje të hershme, përkundër që ne po favorizojmë edhe më tutje zgjedhjet e hershme sipas marrëveshjes. Sipas një marrëveshje politike, ku janë të pranishëm nga të gjitha partitë politike, një agjendë e cila mund të shteret shpejtë dhe vendi e din se kur mund të organizohen zgjedhjet. Por, kjo po has në vesh të shurdhët edhe më tutje, dhe natyrisht, kur nuk kemi mundësi me ndërtu konsensus dhe marrëveshje, atëherë vijnë në shprehje mekanizmat kushtetues dhe mocioni është njëri nga ta”, shprehet Haziri.
Teksa flet për mocionin, Haziri komenton edhe veprimet e PSD-së, për të cilën vlerëson se ka qenë gjithmonë mes pushtetit dhe opozitës, por shprehet optimist se edhe këta të fundit do të bashkëpunojnë për rrëzimin e Qeverisë.
Haziri: PSD ka qenë gjithmonë mes pushtetit dhe opozitës, besoj se kjo do të ndryshojë
“Sjellja e PSD-së pas riorganizimit politik të tyre, ka qenë gjithmonë në mes të pushtetit dhe opozitës, një pozicion i ri politik, të cilin e kanë ushtruar gjatë kësaj kohe. Por, besoj shumë që ata janë të gatshëm të bëjnë një proces të ndryshimeve, dhe këtë javë pritet të ketë takim liderësh mes LDK-së dhe PSD-së, pas takimit që ka qenë mes LDK-së dhe Vetëvendosjes. Kështu që ne do të vazhdojmë me ndërtu takime dhe angazhime politike deri tek nënshkrimi i marrëveshjes”, shprehet Haziri.
Ai është i bindur se raporti i Qeverisë dhe qytetarëve po merr pikën e vlimit.
Haziri: Do të ndërtojmë angazhimin me qytetarët
Video
“Kisha apelu, të gjithë ata që janë të interesuar për ndryshime, të mos vrapojnë pas protagonizmit politik, sepse mund ta dëmtojnë momentumin që po krijohet. Kjo nuk i takon as individit, as grupit e as vetëm një subjekti politik. Kjo qasje është e re, e LDK-së, kjo qasje e re e LDK-së nënkupton ndërtim në shkallën e frontit opozitar, në shkallën e dytë të frontit me qytetarët e Kosovës. Ne do të kalojmë përtej opozitës dhe do të ndërtojmë angazhimin me qytetarët. Sepse raporti i tensionuar i Qeverisë dhe i qytetarëve, po e merr pikën e vlimit dhe natyrisht që na takon që bashkërisht ta arrijmë këtë qëllim”, thotë ai.
Njëherësh, ai flet edhe për dialogun Kosovë – Serbi.
Prej Samitit të Sofjes, Haziri thotë se Kosova po e humbë momentumin për t’i zgjidhur problemet kapitale me Serbinë, dhe ato të ndërtimit të relacioneve të qëndrueshme afatgjate me partnerët strategjik si BE-në dhe NATO-n.
Haziri: Disonancë e madhe politike mes presidentit, kryeministrit dhe kryeparlamentarit
“Këto raporte janë të tensionuara, kemi disonancë të madhe politike mes presidencës, kryeministrit dhe kryetarit të Kuvendit, që përfaqësojnë PAN-in si grupim politik, dhe 20 paritë tjera që janë”, thekson ai.
Sa i përket Samitit të Parisit, nënkryetari i LDK-së thotë se për pozicionin e Kosovës, ky takim do jetë më i vështirë./N.Jakupi/
Të tjera
-
Tenderi i dyshimtë 2 milionësh i Përparim Ramës për Prishtina Parking
Një tender i komunës së Prishtinës në vlerë mbi 2.5 milionë duket se ka ngjal...
-
Lajçak nga shtatori me post të ri
Përfaqësuesi i veçantë i Bashkimit Evropian për dialog Miroslav Lajçak do të ...
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
Osmani kujton mas*akrën e Belegut: Qoftë i përhershëm kujtimi për gjithë të rënët për liri
Presidentja e Kosovës, Vjosa Osmani, ka kujtuar masakrën e Belegut në Deçan, ...
-
Ministri italian i Mbrojtjes mbërrin në Kosovë, ambasada jep detaje për agjendën e tij
Ministri italian i Mbrojtjes, Guido Crosetto, ka mbërritur në Aeroportin Ndër...
-
Kurti sot takohet me studentët romë, ashkali dhe egjiptianë
Kryeministri i Kosovës, Albin Kurti, sot do të takohet me disa nga studentët ...
-
“Tërhiqet” ushtria serbe nga Presheva
Artileri e madhe ushtarake serbe, është parë duke u larguar mbrëmë nga komuna...
-
Ministri i Mbrojtjes i Italisë vjen në Kosovë
Ministri italian i Mbrojtjes, Guido Crosetto, do të qëndrojë në Kosovë gjatë ...
-
Dy tërmete të njëpasnjëshme godasin Greqinë
Dy tërmete kanë goditur mëngjesin e ditës së premte Greqinë. Sipas mediave...
-
Sot mblidhet Kryesia e Kuvendit
Sot do të mbahet mbledhja e radhës e Kryesisë së Kuvendit. Në rend dite vo...
-
Haxhiu: Jemi gati për zgjedhje, edhe të dielën e ardhshme nëse dëshiron opozita
Edhe Ministrja e Drejtësisë, Albulena Haxhiu ka sfiduar opozitën, duke thënë ...
-
Vazhdojnë kërkimet për gjetjen e një personi të zhdukur në Leposaviq
Shoqata e Kosovës për Kërkim dhe Shpëtim ka bërë të ditur se po vazhdojnë kër...