Lajme

Latifi në “New York Medicine College”, diskutohet mundësia e shkollimit të studentëve kosovarë atje

Autori: Gazeta inFokus 11:24 | 23 May 2022

Ministri i Shëndetësisë, Rifat Latifi vazhdon të qëndrojë në Shtetet e Bashkuara. Ai së fundmi atje u takua me kryeministrin Albin Kurti dhe së bashku shkuan në Kolegjin “New York Medicine College”, me seli në New York, aty ku sipas MSH-së u diskutua edhe mundësia e shkollimit të studentëve kosovarë atje.

Ministria e Shëndetësisë ka njoftuar se “ata u takuan me drejtuesit e këtij institucioni, zv.Presidentin Prof. Dr. Salomon Amar, zv.Presidentin për Çështje Qeveritare, Robert Amler dhe zv.Presidentin e Lartë, Michael Newman”.

“Ministri Latifi tha se bashkë me përfaqësuesit e New York Medicine College diskutuan për mundësinë e bashkëpunimit në shumë projekte të ndryshme sa i përket transformimit të sistemit shëndetësor të Kosovës”, thuhet në njoftimin e MSH-së.

-Advertisement-

Ministria thotë se Latifi “theks të vecantë në këtë takim i dha edhe bashkëpunimit në menaxhimin e shëndetësisë dhe programet e shëndetit publik, arsimimit shëndetësor dhe trajnimit në fusha të ndryshme, si trauma dhe menaxhimi i katastrofave dhe emergjencave”

“Ministra Latifi veçoi se pjesë e rëndësishme e këtij diskutimi me përfaqësusit e këtij Kolegji ishte edhe mundësia e bashkëpunimit në aspektin e shkollimit të studentëve nga Kosova, dhe në projektet e ndryshme hulumtuese-shkencore”, thuhet në njoftim.

Ndërkaq, përfaqësuesit e kolegjit amerikan, sipas MSH-së, theksuan se janë të gatshëm për të bashkëpunuar në ato fusha ku Kosova dhe qytetarët e saj kanë interes për ta zhvilluar sistemin e shëndetësisë.

Subscribe në YouTube: GAZETA INFOKUSI
MYZHDE për krejt!

Të tjera