Lajme

Largimi i Listës Serbe nuk e rrëzon Qeverinë Haradinaj

Autori: Gazeta inFokus 14:27 | 27 March 2018

Politologu Ramush Tahiri duke komentuar largimin e Listës Serbe nga Qeveria Haradinaj ka thënë se Qeveria nuk do të rrezikohet edhe pas largimit të saj pasi mund të funksionojë si qeveri e pakicës.

“Qeveria mund të vazhdojë funksionimin edhe pse nuk i ka 61 vota sepse thirret në Qeveri të pakicës. Lidhja Demokratike e Kosovës dhe Vetëvendosje mund të mbledhin 40 nënshkrime për rrëzim të Qeverisë por ajo do të vazhdojë punën deri në fund të mandatit”, ka thënë Tahiri.

Ai ka përmendur dy mënyrat ligjore përmes së cilave mund të bie Qeveria Haradinaj.

-Advertisement-

” Nëse kryeministri jep dorëheqje, ose përmes mocionit ku duhen 40 nënshkrimet duhen 61 vota”, ka thënë Tahiri.

Të martën Lista Serbe pas një takimi me presidentin e Serbisë, Aleksandër Vuçic është larguar nga Qeveria Haradinaj.

E kryeministri Haradinaj në një konferencë e ka quajtur të ngutshëm dhe të pa kuptimtë vendimin e Listës Serbe ndërsa ka thënë se nuk do ta jap dorëheqje dhe Qeveria do të funksionojë edhe pa Listën Serbe./INFOKUSI

Subscribe në YouTube: GAZETA INFOKUSI