Sot qytetarët e Kosovës u tronditën nga një deklaratë e dhënë nga presidenti francez, Emanuel Macron, ku sipas asaj që u përkthye nga përkthyesja në gjuhën shqipe u tha Franca ka pezulluar liberalizimin e vizave për Kosovën.

Mirëpo si duket ky ka qenë një përkthim i pasaktë dhe presidneti francez në deklaratën e tij thjesht ka theksuar se  Kosova nuk e ka mbajtur fjalën e dhënë sa i përket procesit të liberalizimit.

Megjithatë, sipas një përkthimi të bërë nga Radio Evropa e Lirë deklarata e Macron nuk flet për pezullim të procesit.

“Dua ta them një gjë me shumë qartësi. Ne kemi bërë një gjest besimi për çështjen e vizave. Sa i përket Francës, ato [vizat] janë hequr sepse ne respektojmë fjalën e dhënë. E sot, fjala nuk po mbahet. Pres një angazhim real nga këto dy autoritete [Kosova dhe Serbia] që të ecin përpara në javët e ardhshme. Ky është vetë kushti për paqe në gjithë rajonin”, deklaroi Macron sipas artikullit të REL.

Derisa përkthyesja në Shqipëri, drejtpërdrejtë në konferencë i dha një qasje krejtësisht tjetër duke e thënë se liberalizimi i vizavë për Kosovën është pezulluar nga Franca.

“Ajo që presim nga autoritetet kosovare dhe serbe është e thjeshtë, riorganizimin e zgjedhjeve në këto komunat ku këto u bënë në kushte të papërshtatshme, pjesëmarrjen e serbëve në këto zgjedhje, njohjen e asociacionit të komunave serbe nga autoritetet kosovare. Pres që presidenti Vuçiç dhe presidentja dhe kryeministri i Kosovës, të jenë të përgjegjshëm. Ne u kemi besuar për çështjen e vizave dhe u pezullua nga ana e Francës se ka të bëjë me respektin e fjalës së dhënë dhe fjala nuk është mbajtur. Pres që të angazhohen të dyja palët që të ecim përpara në javët e ardhshme, është kushti i paqes në të gjithë zonën.” – citohet se ka thënë Macron sipas përkthyeses shqiptarë në një konferencë të përbashkët me kryeministrin shqiptar, Edi Rama.

Ndërsa në përkthimin e bërë nga Radio Evropa e Lirë nuk përmendet fare pezullimi dhe thuhet se vizat janë hequr për shkak se Franca e mban premtimin e dhënë, ndryshe nga krerët e Kosovës.

“Dua ta them një gjë me shumë qartësi. Ne kemi bërë një gjest besimi për çështjen e vizave. Sa i përket Francës, ato [vizat] janë hequr sepse ne respektojmë fjalën e dhënë. E sot, fjala nuk po mbahet. Pres një angazhim real nga këto dy autoritete [Kosova dhe Serbia] që të ecin përpara në javët e ardhshme. Ky është vetë kushti për paqe në gjithë rajonin”, deklaroi Macron sipas artikullit të REL./Gazeta Infokus/

TEB sjellë edhe kartelën prestigjioze VISA Infinite

Sponsoruar