LAJMI I FUNDIT: Vetëm tri ditë para zgjedhjeve PDK-ja në Klinë përjashton zyrtarin e saj
Autori: Islam Morina 22:12 | 14 October 2021
Dega e Partisë Demokratike të Kosovës në Klinë sapo ka marrë vendim për përjashtimin e zyrtarit të saj nga radhët e PDK-së, Haxhi Ibishi, raporton Gazeta Infokus.
Çuditërisht Ibishi është përjashtuar nga të gjitha funksionet dhe anëtarësia e kësaj partie, tri ditë para zgjedhjeve kur dihet mirëfilli si ai është njëri ndër personalitet më të respektuara në Klinë, për kontributin e dhënë në të gjitha etapat.
Ai njihet si doktor në luftë e humanist në paqe, ndërkohë që kontribut të madh ka dhënë edhe në konsolidimin e QKMF-së në Klinë, ku mban postin e drejtorit dhe është shembulli më i mirë për menaxhim të pandemisë, ku krijoi ekipe mobile duke ofruar shërbime mjekësore në shtëpi për klinasit.
Ibishi ishte pikërisht ai, i cili me iniciativën qyteteare ia dha mundësinë PDK-së dhe Sokol Bashotës, të merr udhëheqjen për dy mandate në zgjedhjet e vitit 2009, ku PDK-ja mbajti pushtetin për 8 vjet.
PDK-ja e Klinës Ibishin e ka quajtur si ngarendës pas pushteteve e pas çdo parie që i jep atij ndonjë përfitim personal.
Ata kanë thënë se ky vendim për përjashtimin e Ibishit nga partia, vjen pasi i njëjti përveç tjerash, është angazhuar edhe në fushatë kundër kandidatit të kësaj partie për Klinë Esat Raci.
Njoftimi i plotë:
“Të nderuar anëtarë dhe simpatizantë të PDK-së.
Në këtë dinamikë të punëve të secilit nga ju në zgjedhjet lokale, synim parësor kemi rikthimin e PDK-së në qeverisjen komunale, me ç’rast do të rikthejmë edhe besimin qytetar në institucione.
PDK-ja deri me tani gjithnjë është mbështetur fuqishëm tek anëtarët themeltar të PDK-së, ku shumica prej tyre sot janë veteranë të partisë dhe janë vlera të çmuara brenda nesh. PDK ka qenë e hapur për të gjithë ata individ të cilët kanë pasur bindjet e njëjta me PDK-në dhe janë pranuar si vlera duke iu dhënë hapësirën e mjaftueshme parësore në harmoni me objektivat e PDK-së duke u bërë kështu bashkë në rrugëtim drejtë sfidave në vazhdim, përjashtuar ata që aderimin e tyre në PDK e kanë kuptuar si kartë për t’ia hapur rrugën dhe realizuar qëllimet e tyre meskine dhe egoiste dhe për t’i realizuar vetëm objektivat personale dhe familjare. Soji dhe sorrollapi i tyre nuk mund të tolerohet që të livadhisë brenda strukturave të PDK-së dhe të flasin edhe më tej në emër të PDK-së. Një i tillë është edhe Haxhi Ibishi, ngarendës mbas çdo partie që i ofron një përfitim personal, duke i ndërruar ato më shpesh se sa “këmishat në trup”. Tani së fundmi qenka rikthyer për të lëpirë atë që e ka pështyrë plot tetë vite me radhë. Duke u thirrur në emër të PDK-së dhe njëkohësisht duke qenë aktiv në fushatë anti PDK dhe kundër kandidatit për kryetar të komunës nga radhët e PDK-së, Esat Racit, i lartpërmenduri ka bërë shkelje të rënd të statutit dhe parimeve të PDK-së.
Pas shumë diskutimeve për këtë çështje në kryesinë e PDK-së, Dega në Klinë, u vendos unanimisht si në vazhdim:
PËRJASHTOHET Haxhi Ibishi, nga të gjitha funksionet në PDK dhe nga anëtarësia e PDK-së. Veprim ky i bazuar në rregulloren dhe statutin e PDK-së.
Me këtë rast njoftoj të gjithë qytetarët, e sidomos anëtarët dhe simpatizantët e PDK-së se Haxhi Ibishi nuk mund të thirret më në emër të PDK-së.
Të nderuar anëtarë, simpatizantë dhe struktura të PDK-së, ju bëjmë thirrje që të angazhoheni seriozisht edhe në këto ditë sa kanë mbetur deri në ditën e votimit dhe t`i japim fund kësaj qeverisje të keqe që ka qenë , duke e rikthyer PDK aty ku e meriton, në qeverisjen Komunale. Duke e vendosur Esat Racin kryetar të Komunës i hapim rrugën PDK-së që të punojë në shërbim të qytetarëve ashtu siç kemi dhënë prova për dhjetë vite të qeverisjes sonë. Ne do t’i vazhdojmë projektet aty ku i kemi lënë, gjithnjë së bashku me qytetarin dhe për qytetarin”, thuhet në njoftimin e PDK-së, Dega në Klinë./Gazeta Infokus/
Të tjera
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...
-
Liberalizimin e vizave e Këshillin i Evropës, Kurti i cilëson si suksese të qeverisjes së tij
Kryeministri i Kosovës, Albin Kurti e ka lavdëruar qeverisjen e tij për sukse...
-
Nesër Kosova dhe Mali i Zi nënshkruajnë marrëveshje për bashkëpunim ndërkufitar
Nesër nga ora 13:30 Kosova dhe Mali i zi do të nënshkruajnë marrëveshje për P...
-
Ky është polici i suspenduar në Gjakovë, dyshohet se kontrabandoi mallra me veturë private
Inspektorati Policor i Kosovës ka njoftuar sot se ka suspenduar një zyrtar po...
-
Hamza kritikon Kurtin: Qeveria e tij ende s’e preu asnjë shirit të investimeve kapitale
Kandidati për kryeministër nga radhët e Partisë Demokratike të Kosovës, Bedri...
-
PDK i kthen në Kryesi deputetët dhe kryetarët e komunave, vend të rëndësishëm i jep edhe aderimit më të ri
Partia Demokratike e Kosovës e ka marrë shumë seriozisht mobilizimin për zgje...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Lladrovci për Hamzën: Kandidaturë e kompletuar, gëzon respektin e përkrahjen edhe nga aleatët tanë historikë
Kryetari i komunës së Drenasit, Ramiz Lladrovci, ka postuar fjalimin që ai ka...
-
Frashër Krasniqi i shkon në tavolinë Mujës të VV’së: A po ju vjen marre që e pranuat “Zajednicën”, për KiE
Aktivisti i Partisë Socialdemokrate (PSD) Frashër Krasniqi, i ka shkuar në ta...
-
Abdixhiku e rikthen fjalimin në Kuvend – akuza Qeverisë për “tenderët sekretë”
Kryetari i Lidhjes Demokratike të Kosovës (LDK), ka folur në Kuvend të Kosovë...
-
Aksioni mbi kontrollin e transportuesve të udhëtarëve, shqiptohen dhjetëra gjoba – konfiskohen targa e vetura
Inspektorati i Kryeqytetit njofton se po vazhdon aksionin e kontrollit të tra...