Lajme

Lajmi i fundit: ShBA-ja deklaron se është kryer edhe një gjenocid në botë

Autori: Gazeta inFokus 16:07 | 21 March 2022

Shtetet e Bashkuara të Amerikës kanë njohur si gjenocid, masakrat e kryera në Mianmar ndaj popullësisë myslimane, të njohur si Rohingya, përcjell Gazeta Express

Sekretari amerikan i Shtetit, Anthony Blinken, ka njoftuar nga Muzeu Memorial i Holokaustit, se shteti i tij i njeh si gjenocid krimet e kryera të ushtrisë së Mianmarit ndaj komuniteti pakicë të Rohingyas.

“Shtetet e Bashkuara kanë konkluduar shtatë herë se është kryer gjenocid. Sot është hera e tetë. Kemi ardhur në përfundim se pjesëtarët e ushtrisë kanë kryer gjenocid dhe krime kundër njerëzimit”, ka thënë Blinken.

-Advertisement-

Në fjalimin e tij, Blinken ka tërhequr disa paralele mes krimeve të kryera nga ushtria Mianmarit ndaj popullsisë myslimane Rohingya dhe atyre të Holokaustit.

Rohingya refugees queue for aid at Cox's Bazar in Bangladesh in September 2017. The Myanmar’s military-led government’s campaign against the ethnic minority began in the country’s western Rakhine state in 2017.
Radhët e refugjatëve të komunitetit Rohingya në Bangladesh, shtator, 2017
Cathal McNaughton/Reuters

“Sulmi ndaj Rohingya ka qenë i përhapur dhe sistematik dhe kjo ka qenë kyçe për arritjen e një përfundimi se janë kryer krime kundër njerëzimit”, tha Blinken.

“Dëshmitë tregojnë gjithashtu se ka një qëllim të qartë prapa këtyre mizorive masive, e që është shkatërrimi komunitetit Rohingya në tërësi apo pjesërisht.”

Ushtria e udhëhequr nga Qeveria e Mianmarit është përballur me sanksione të ndryshme nga SHBA-ja, prej kur ka nisur fushatën kundër grupit etnik minoritar, Rohingya, në vitin 2017.

Subscribe në YouTube: GAZETA INFOKUSI
Shijoni eksperiencën e re të blerjes në Meridian Express x EXFIS!
-Advertisement-

Të tjera

Fokusi

lajme