Sport

LAJMI I FUNDIT: Ronaldo po rikthehet në Real Madrid? Kjo është përgjigjja e Zidanit

Autori: Gazeta inFokus 14:59 | 15 March 2021

Sipas raportimeve të fundit të mediave spanjolle, Cristiano Ronaldo, mund të rikthehet në Real Madrid pas tri viteve, shkruan Gazeta inFokus.

Eliminimi i hershem i Juventusit nga Liga e Kampionëve ka bërë që ylli portugez të mendoj largimin nga Torino.

Ai u fajësua në Itali për eliminimin e ‘Zonjës së Vjetër’ nga Porto në 1/8 e finales, pasi ia ktheu shpinën topit dhe e lejoi atë të përfundojë në rrjetë pas gjuajtjes së lirë të Sergio Oliveiras, një gol që ia siguroi portugezëve kalimin në çerekfinale.

-Advertisement-

Lidhur me një rikthim të mundshëm të Ronaldos në Madrid ka folur edhe trajneri i ‘Los Blancos’, Zinedine Zidane.

Ai ka thënë se mund të ndodhë një rikthim i portugezit në Real, por ka shtuar se Ronaldo aktualisht është lojtar i Juventusit dhe duhet ta respektojnë.

“Po, mund të ndodhë. Ne e njohim Cristianon, ne e dimë çfarë personi është ai dhe e dimë se çfarë ka bërë ai këtu. Por tani është lojtar i Juventusit dhe duhet ta respektojmë këtë. Tani, ta shohim se çfarë do të ndodhë në të ardhmen. Kam qenë shumë më fat që isha trajner i tij. Ai është mahnitës, po e ndihmon Juventusin”, deklaroi Zinedine Zidane.

Kujtojmë se Zinedine Zidane dhe Cristiano Ronaldo kanë fituar tri herë radhazi Ligën e Kampionëve./Gazeta inFokus/

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

sport