Lajme

LAJMI I FUNDIT: Prishet koalicioni PDK-LDK në Prishtinë

Autori: Gazeta inFokus 15:20 | 08 February 2024

Koalicioni mes LDK-së dhe PDK-së në nivel të udhëheqësisë komunale në Prishtinë është shkëputur.

Lajmin e ka bërë të ditur zyrtari i PDK’së dhe ish-kandidati për kryetar të kësaj komune, Uran Ismajli, përmes një postimi në ‘Facebook’.

“Sapo dërgova shkresën zyrtare tek Përparim Rama për të komunikuar vendimin për shkëputjen e koalicionit qeverisës në Prishtinë. Drejtorët e drejtorive komunale dhe aksionerët e PDK-së në ndërmarrje publike kanë dhënë dorëheqjet e tyre”, thuhet në postimin e Ismajlit.

-Advertisement-

“Për dy vjet shërbim, ekipi i PDK-së solli një dinamikë të re në Kryeqytet dhe ka bërë punë të jashtëzakonshme në secilin dikaster. Nën udhëheqjen e shkëlqyer të Nënkryetares Sahatçiu, drejtoritë e udhëhequra nga PDK janë vlerësuar si drejtoritë me performancën më të mirë, brenda dhe jashtë. Gjallërinë, sinqeritetin, pozitivitetin dhe dinamikën që e kishim në fushatën tonë “Prishtina na Bashkon” e kemi përçuar edhe në qeverisjen e Kryeqytetit dhe qytetarët janë dëshmitarët më të mirë për këtë gjë”.

“Ne nuk do të jemi pjesë e një qeverisjeje që dëmton interesin publik, ku mungon komunikimi, ku puna e mirë nuk vlerësohet dhe meritokracia përbuzet. Duke mos dashur asnjëherë që Prishtina të bllokohet, jemi tërhequr nga të gjitha pozitiat për të hapur rrugë për krijimin e një shumice të re në Kryeqytet”

Subscribe në YouTube: GAZETA INFOKUSI