Lajme

LAJMI I FUNDIT: Digjet një veturë në oborrin e Aeroportit “Adem Jashari”

Autori: Gazeta inFokus 10:11 | 16 October 2022

Një veturë është përfshirë nga zjarri në Aeroportin Ndërkombëtar “Adem Jashari”, shkruan Gazeta Infokus.

Këtë për Infokus e ka konfirmuar zëdhënësja e policisë për rajonin e Prishtinës, Flora Ahmeti.

Ajo tha se deri më tani nuk raportohet për të lënduar, ndërsa përveç veturës që mori flakë, e tipit Mercedes, një veturë e tipit Audi, që gjendej pranë saj, ka pësuar dëmtime.

-Advertisement-

“Sot rreth orës 08:00, është raportuar se në parkingun e Aeroportit Ndërkombëtar në Prishtinë, dy automjete janë përfshirë nga zjarri. Njëra nga veturat e tipit Mercedes, është djegur tërësisht, ndërsa tjetra (Audi) e cila ka qenë e parkuar në afërsi është dëmtuar pjesërisht. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Deri më tani  nuk raportohet për persona të lënduar” deklaroi Ahmeti për Infokus.

Ajo shtoi se aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen./Gazeta Infokus/

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme