Lajme

LAJMI I FUNDIT: Mbledhje e papritur e Kryesisë së Kuvendit!

Autori: Gazeta inFokus 00:27 | 03 May 2017

Gazeta Blic ka marrë vesh se para pak minutash, Sekretaria e Kuvendit i ka njoftuar anëtarët e Kryesisë për një mbledhje, e cila do të mbahet nesër.

“Para 10 minutash anëtarët e Kryesisë dhe shefat e Grupeve Parlamentare i ka njoftuar sekretari për mbledhje të Kryesisë. Mbledhja do të mbahet nesër në ora 11”, tha ky burim.

Sipas këtij burimi,  nuk dihet rendi i ditës e as ajo çka do të diskutohet në këtë mbledhje.

-Advertisement-

“Krejt çka i ka njoftuar sekretari, është se nesër ka mbledhje të Kryesisë”, thotë burimi i Gazetës Blic.

Ende nuk dihet nëse në këtë mbledhje do të procedohet demarkacioni, e cila shihet si esenciale, për vazhdimin apo mos vazhdimin e koalicionit PDK- LDK.

Nga LDK, ndërkaq, po bëhen përpjekje për të gjetur modalitetin e kalimit të demarkacionit me Malin e Zi. Janë 17 deputetë, që kanë nxjerrë një propozim konkret, ku i kanë kërkuar Isa Mustafës, që ata e votojnë demarkacionin me Malin e Zi, por me kushtin që ai të rishqyrtohet pas një periudhe kohore.

Ndërkohë, janë shtuar zërat për mbajtje të zgjedhje të parakohshme parlamentare.

Subscribe në YouTube: GAZETA INFOKUSI
TEB sjellë edhe kartelën prestigjioze VISA Infinite

Të tjera