Sport

Lajm fantastik për Milot Rashicën para ndeshjes me Augsburgun

Autori: Gazeta inFokus 17:44 | 14 January 2021

Werder Bremeni këtë të shtunë pret Augsburgun, në kuadër të xhiros të 16-të në Bundesligë, shkruan Gazeta inFokus.

Skuadra gjermane tashmë ka publikuar listën e futbollistëve të ftuar për këtë takim, ku është përfshirë edhe ylli kosovar, Milot Rashica.

Futbollisti vushtrrias ka një kohë të gjatë pa luajtur, për shkak të lëndimit që kishte pësuar në kofshën e majtë.

Në lidhje me gjendjen e 24 vjeçarit ka folur edhe drejtori sportiv i klubit të Werderit, Frank Baumann, i cili ka thënë se Rashica do të jetë i përfshirë ndaj Augsburgut.

“Është më rëndësi që ai të jetë shëndosh dhe tani e ka arritur përsëri nivelin optimal të gjendjes fizike. Ai do të jetë në skuadër për ndeshjen e së shtunës dhe kjo është e tëra tani për tani,” ka thënë Baumann.

Milot Rashica ka bërë vetëm pesë paraqitje deri me tani në këtë sezon për Werder Bremenin./Gazeta inFokus/

Të tjera