Lajme

Lajcak nga Vjena flet për normalizimin e marrëdhënieve mes Kosovës dhe Serbisë

Autori: Gazeta inFokus 22:55 | 24 April 2023

Emisari i Bashkimit Europian për dialogun Kosovë-Serbi, Miroslav Lajcak, ka diskutuar sonte në një panel në Vjenë për normalizimin e marrëdhënieve në mes të dyja vendeve, transmeton Gazeta Metro.

Përveç normalizimit të marrëdhënieve, siç thotë Lajcak është diskutuar edhe për hapat e ardhshëm dhe roli i zgjerimit të Bashkimit Europian.

Pjesë e panelit ishte edhe ish-i dërguar i BE’së për Kosovën, Wolfang Petrisch, të cilin e falënderoi për diskutimin.

-Advertisement-

“Shkëmbim i mirë për normalizimin e marrëdhënieve ndërmjet Kosovës dhe Serbisë, hapat e ardhshëm dhe rolin e zgjerimit të BE-së, në Vjenë sonte. Faleminderit @WebsterVienna për organizimin dhe kolegët e mi bashkëpanelistët Wolfgang Petritsch dhe Stephanie Fenkart për diskutimin!”, shkroi Lajcak në Twitter.

Ky diskutim ndodhi para se kryeministri i Kosovës, Albin Kurti dhe presidenti i Serbisë, Aleksandar Vucic, të takohen në Bruksel. Takimi i tyre është paraparë të mbahet më 2 maj.

Agjenda e takimit të nivelit të lartë do të përfshijë miratimin zyrtar të Deklaratës për Personat e Zhdukur dhe prezantimin e draft-statutit të parë të Asociacionit të komunave me shumicë serbe.

Subscribe në YouTube: GAZETA INFOKUSI
Etiketa:
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme