Lajme

Lajçak nga Mitrovica: Ura e Ibrit nuk mund të rihapet me pajtim vetëm të njërës palë

Autori: Gazeta inFokus 12:30 | 11 May 2023

Përfaqësuesi i Posaçëm i Bashkimit Evropian (BE) për Dialogun Kosovë-Serbi, Miroslav Lajçak, pas takimit me të parin e Mitrovicës së jugut, Bedri Hamzën ka ecur mbi urën e lumit Ibër për të vazhduar drejt veriut të Kosovës.

Lajçak nga Mitrovica tha se ura nuk mund të rihapet me pajtim vetëm të njërës palë, por vetëm kur të pajtohen të dyja palët.

Lajçak e kaloi Urën e Ibrit në këmbë, i shoqëruar edhe nga ambasadori i BE-së në Kosovë, Tomas Szunyog.

-Advertisement-

Emisari i BE-së është në veri, te Shtëpia e Evropës, ku do të ketë takim me shoqërinë civile.

Ndryshe, Lajçak pas takimit me kryeministrin Albin Kurti deklaroi para mediave se sot pasdite do të vizitoj edhe veriun e Kosovës, sipas tij, për ta kuptuar dhe parë “vetë situatën atje” duke shpresuar se “do të ketë një zgjidhje politike për t’u fokusuar në normalizim dhe marrëveshje”.

Subscribe në YouTube: GAZETA INFOKUSI
Etiketa:
Thyhet REKORDI I ZBRITJEVE!
-Advertisement-

Të tjera

Fokusi

lajme