Lajme

Lajçak e Escobar i përvishen punës, koordinojnë hapat për zbatimin e marrëveshjeve të arritura në dialogun Kosovë-Serbi

Autori: Gazeta inFokus 22:03 | 28 February 2023

I dërguari i BE-së për dialogun Kosovë-Serbi, Mirosllav Lajçak dhe emisari i SHBA-së për Ballkanin Perëndimor, Gabriel Escobar kanë diskutuar për koordinimin e hapave të ardhshëm për dialogun Kosovë-Serbi, pas takimit të së hënës në Bruksel.

“Pas takimit të djeshëm të nivelit të lartë, bashkë me emisarin e SHBA-së Escobar u ulëm për të koordinuar hapat e mëtejmë në prag të takimit të ardhshëm. U pajtuam për rëndësinë e marrëveshjes dhe modalitetet e zbatimit të saj dhe nevojën për të zbatuar të gjitha marrëveshjet ekzistuese të arritura në dialog”, ka shkruar Lajçak në Twitter.

Kryeministri i Kosovës, Albin Kurti, dhe presidenti i Serbisë, Aleksandar Vuçiq, ranë dakord të martën se nuk ka nevojë për diskutime të mëtejme rreth propozimit të Bashkimit Evropian për normalizimin e marrëdhënieve mes tyre, tha shefi i politikës së jashtme të BE-së, Josep Borrell.

-Advertisement-

Derisa kryeministri i Kosovës, Albin Kurti, tha se në takimin në Bruksel me presidentin e Serbisë, Aleksandar Vuçiq, u pajtuan për përmbajtjen e propozimit evropian për normalizimin e raporteve mes dy shteteve./Telegrafi/

Subscribe në YouTube: GAZETA INFOKUSI
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta

Të tjera

Fokusi

lajme