Lajçak dhe këshilltarët e Scholz dhe Macron vizitojnë sot Kosovën
Autori: Gazeta inFokus 07:25 | 09 September 2022
I dërguari i posaçëm i Bashkimit Evropian për dialogun Kosovë-Serbi, Mirosllav Lajçak, i shoqëruar nga këshilltarët emëruar nga Kancelari i Gjermanisë, Olaf Scholz dhe Presidenti i Francës, Emanuel Macron , do të vizitojë sot Kosovën.
Këtë e ka konfirmuar edhe kryeministri i vendit, Albin Kurti, derisa nuk ka komentuar në lidhje me atë se çfarë pritet nga ky takim. Pjesëmarrjen në këtë takim nuk e ka konfirmuar i dërguari i SHBA-së për dialogun, Gabriel Escobar.
Ekipi i emisarëve për ndihmë ndaj dialogut Kosovë-Serbi, ku prin përfaqësuesi special i BE-së për dialogun, Miroslav Lajçak këtë të premten sërish do të vijnë në Prishtinë. Se një takim i tyre me ekzekutivin do të ndodhë shpejtë e ka konfirmuar edhe kryeministri Albin Kurti. Mirëpo ai nuk ka komentuar rreth asaj se çfarë pret nga takimi.
” Dialogu që zhvillohet ndërmjet Kosovës dhe Serbisë ku Kosova nuk është aty temë por palë bëhet me ndërmjetësimin e Brukselit dhe ndihmohet nga Shtetet e Bashkuara të Amerikës. Nesër do të vijnë emisarët special nga Berlini dhe Parisi që do ta shoqërojnë ndërmjetësin Lajçak, por natyrisht që ndihma e të gjitha shteteve tona mike është mirëseardhur”, tha kryeministri Kurti.
Subjektet politike opozitare nuk janë përgjigjur nëse emisarët do të takojnë edhe liderët e tyre. Megjithatë burime të RTK-së brenda opozitës kanë thënë se ende nuk kanë marrë thirrje për takim nga Lajçak.
Derisa ky i fundit pritet të vijë në Kosovë i shoqëruar nga emisari francez dhe ai gjerman, pjesë e këtij ekipi kësaj radhe nuk do të jetë Gabriel Escobar.
RTK ka pyetur Lajçak dhe Escobar se pse ai nuk do të vijë në Kosovë por asnjëri nuk janë përgjigjur.
Për këtë analistët konsiderojnë se vizita e paralajmëruar e emisarëve evropianë është bërë në koordinim edhe me SHBA.
“Shtetet e Bashkuara të Amerikës e kanë thënë hapur që problemi Kosovë-Serbi është problem i Evropës dhe pritet rol më i fuqishëm i Evropës në zgjidhjen e këtij problemi. Caktimi i këtyre dy emisarëve sigurisht tregon edhe vullnetin dhe nevojën e Evropës që mos të mbeten komplet në hijen amerikane por të kenë një rol të tyre. Sigurisht edhe ti ndihmojë zgjidhjes së problemit bashkë me SHBA pasi e kemi pa se pas luftës në Ukrainë aleanca perëndimore ka qenë më e fuqishme sesa më parë. Pra kemi një unitet të SHBA-ve dhe Bashkimit Evropian për zgjidhjen e problemeve të sigurisë në gjithë territorin e Evropës, me theks të veçantë edhe në Ballkanin Perëndimor”, tha analisti Bekim Kabashi.
“Z. Lajçak nuk do të jetë me përfaqësuesin e Departmentit të Shtetit Amerikan, Gabriel Escobar mirëpo besoj se kjo po bëhet në një koordinim të ngushtë me z. Escobar dhe me BE në mes procesi i Dialogu gjithsesi pop merr një shtytje më të madhe përpara. Kjo veç se ka kërkuar një vëmendje më shumë nga udhëhqësia e Kosovës dhe veç se po tregohet një vëmendje më shumë për dialogun, si rrjedhojë e gjithë këtij interesimi më të madh. Kosova thash do të bënte mirë që të artikulonte qartë pozicionet e saj në secilin rrafsh që të jetë ajo që është ofruese e ideve për marrëveshjen e njohjes së ndërsjellë, për marrëveshje të tjera të vogla që do të duhen nëse do të kërkohen nga palët ndërkohë por gjithsesi të mbajë vëmendjen e aleatëve për një marrëveshje përfundimtare me një afat real dhe të shpejtë në mënyrë që palët të dinë qëllimin përfundimtar të këtij angazhimi më të madh. Edhe të dinë palët natyrisht se vullneti më I madh I Kosovës dhe Serbisë po shkon drejtë një përfundimi të shumëpritur të këtij procesi”, tha analisti politik, Drilon Gashi.
Njohësit e çështjeve politike në vend po ashtu thonë se dinamika e shtuar e vizitave të emisarëve për dialogun Kosovë-Serbi në Kosovë dhe Serbi flet për një pajtim të shpejtuar mes palëve.
Të tjera
-
Votimi për largimin e kryetarëve në veri, KQZ mban mbledhje në ora 14:00
Komisioni Qendror i Zgjedhjeve do të mbajë sot mbledhje, me fillim nga ora 14...
-
Shefi i CIA-s: Ukraina mund të humbë pa ndihmën e SHBA
Shefi i CIA-s paralajmëroi se Ukraina mund ta humbasë luftën pa ndihmën e SHB...
-
Bilall Kasami: Një telefonatë se Serbia po bën manovra në kufi me Kosovën, ia pamundësoi Kurtit ardhjen në Berlin
Përfaqësues së koalicionit VLEN që po garon në zgjedhjet e Maqedonisë së Veri...
-
O’Brien sot në Beograd, do të takohet me udhëheqësit e Serbisë
Ndihmëssekretari amerikan i Shtetit për Evropën dhe Euroazinë, James O’Brien,...
-
Valon Murati kritikon Kurtin: Nuk është kohë e mburrjeve
Valon Murati nga Lëvizja për Bashkim ka drejtuar kritika në drejtim të kryemi...
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...