Lajme

Ky është urdhri për ta ndaluar hyrjen e mallrave serbe në Kosovë

Autori: Gazeta inFokus 21:08 | 14 June 2023

Pas arrestimit të tre policëve brenda territorit të Kosovës, nga forca serbe, Dogana e Kosovës është urdhëruar që ta ndalojë hyrjen e të gjitha mallrave serbe në Kosovë.

Gazeta Express ka siguruar edhe urdhrin e dërguar përmes postës elektronike te të gjithë udhëheqësit rajonalë të pikave doganore të Kosovës për të mos e lejuar hyrjen e asnjë produkti serb në tregun e Kosovës.

-Advertisement-

“Siç mund ta kuptoni nga korrespondenca e ardhur nga QKMK, që nga ky moment në të gjitha pikat kufitare, ndalohet hyrja në Republikën e Kosovës të të gjithë kamionëve me tabela të Serbisë si dhe të gjithë kamionëve që bartin mallra të Serbisë”, thuhet në urdhëresë.

“Ju lutem ta njoftoni stafin tuaj dhe sigurohuni që stafi zbatues janë njoftuar me këtë urdhëresë. Ju do të jeni në njohuri me kohë për vendimet e radhës”, thuhet në fund.

Subscribe në YouTube: GAZETA INFOKUSI