Ky është reagimi i deputetes së VV-së ndaj deklaratës së MIE-së për letrën e Kurtit
Autori: Gazeta inFokus 22:41 | 09 March 2018
Deputetja e Vetëvendosjes, Fitore Pacolli ka reaguar ndaj deklaratës së Ministrisë së Integrimeve Evropiane ndaj letrës së liderit të VV-së, Albin Kurtit për të cilën nuk e cilësuan si opsion të duhur që mundëson zgjidhje të demarkacionit. Pacolli përmes një shkrimi të gjatë ka folur lidhur me këtë çështje.
Ajo ka përmendur faktin se përfaqësuesit e Bashkimit Evropian kanë përsëritur tashmë se për liberalizimin e vizave duhet përmbushur dy kritere, transmeton Indeksonline.
Pacolli thotë se “qytetarët nuk kanë nevojë për konferenca e diskutime teorike por duke lexuar tutje reagimin e kupton arsyen pse kjo Ministri nuk dëshiron që të ketë debat të hapur dhe diskutim të sinqertë me qytetarët”, ka thënë ajo.
Shkrimi i plotë i Pacollit:
Ngutia për të ratifikuar ‘demarkacionin’ me Malin e Zi dhe hezitimi për të luftuar korrupsionin dhe krimin e organizuar
Ministria për Integrime Evropiane, në reagimin e saj ndaj letrës publike që Albin Kurti i ka dërguar kryemistrit të Kosovës z. Ramush Haradinaj, po vazhdon të gënjejë qytetarët e Republikës së Kosovës. Në reagimin që i ka dëguar mediave Ministria ka gënjyer disa herë.
Fillimisht shkruan se si “qytetarët nuk kanë nevojë për konferenca e diskutime teorike por duke lexuar tutje reagimin e kupton arsyen pse kjo Ministri nuk dëshiron që të ketë debat të hapur dhe diskutim të sinqertë me qytetarët.
Ministria gënjen qytetarët kur shkruan se kriteri i luftës kundër korrupsionit dhe krimit të organizuar është i përmbushur dhe se ratifikimi i demarkacionit duhet të ndodh sa më shpejt që Kosova të fitojë liberalizimin e vizave, përderisa zyrëtarë të lartë të Bashkimit Evropian vazhdojnë të theksojnë se nuk do të ketë viza pa përmbushur kushtin kryesor që është luftimi i korrupsionit dhe krimit të organizuar.
Përfaqësuesja e BE-së në Kosovë, Natalyia Apostolova, në konferencën e organizuar nga KFOS para disa ditëve, ku ishte e pranishme edhe ministrja znj. Dhurata Hoxha, tha se “për të fituar liberalizimin e vizave Kosova duhet të përmbush kushtin për luftimin e korrupsionit dhe krimit të organizuar”.
Eurodeputetja Tanja Fajon ka theksuar se “procesi i liberalizimit do të filloj vetëm në momentin kur të plotësohen të dy kushtet”.
Presidenti i Komisionit Evropian, Jean-Claude Juncker atë ditë kur ishte në vizitë zyrtare në Prishtinë tha se “Kosova duhet të luftoj korrupsionin dhe krimin e organizuar sepse edhe ky është kusht për liberalizimin e vizave” .
Përveç zyrëtarëve evropian edhe Drejtori i Agjencisë Kosovare Kundër Korrupsionit, z. Shaip Havolli pranon se “luftimi i krimit të organizuar dhe korrupsionit, si kriter për liberalizimin e vizave, ende nuk mund të konsiderohet i përmbushur”.
Ministria nuk e thotë të vërtetën edhe kur shkruan se “është krijuar një mjedis ligjor në përputhje me standardet Evropiane dhe kemi ofruar resurset financiare për sistemin e drejtësisë.” Raportet ndërkombëtare konstatojnë se “korrupsioni mbetet i përhapur në shumë sfera dhe vazhdon të mbetet problem serioz …efikasiteti i hetimeve vazhdon të pengohet nga ndërhyrjet politike” (Progress Report, 2016) dhe se “Kosova ka problem serioz me korrupsionin” (Transparency International, 2017).
Liberalizimi i vizave nuk do të ndodh edhe nëse bëhet ratifikimi i demarkacionit. Liberalizimi i nuk është një process i thjeshtë. Ky proces varet nga të gjitha shtetet anëtare të cilat me votat e tyre mund t’a bllokojnë liberalizimin e vizave për Kosovën edhe pas ratifikimit të demarkacionit.
Miratimi i liberalizimit të vizave varet kryesisht në përbushjen e kushtit themelor – luftimin e korrupsionit dhe krimit të organizuar.
Vendimi i shtetet anëtare varet shumë edhe nga gjendja e rëndë ekonomike , papunësia dhe shkalla e lartë e migrimi. Sipas Gallup International shkalla e popullsisë që dëshiron të shpërngulet nga Kosova është rritur vazhdimisht që nga viti 2008 dhe në bazë të monitorimit për vitin 2017 rreth 34% e populllsisë po të kishin mundësi menjëherë do të iknin nga Kosova drejt Evropës. Kjo padyshim do ta përcaktoj vendimin e shteteve anëtare.
Është shumë e rëndësishme që qytetarëve t’i tregohet e vërteta!
Askush nuk mund të garantojnë se vota e shteteve anëtare do të jetë për liberalizimin e vizave e sidomos kur në BE me shpejtësi po ngjiten në qeverisje partitë e ekstremit të djathtë të cilat kanë qëndrim negativ ndaj Kosovës. Gjasat që edhe këtë vit të mos ketë heqje vizash janë më të mëdha sesa që të ketë.
Pse e gjithë kjo nguti për të ratifikuar demarkacionin me Malin e Zi kur Kosova ende nuk ka bërë hapa të domosdoshëm për të luftuar korrupsionin dhe krimin e organizuar?
Le ta bëjmë njëherë korrigjimin e demarkacionit pastaj ratifikimin dhe ndërkohë, e plotësojmë edhe kriterin për luftimin e korrupsionit e krimit.
Të tjera
-
Gërvalla me vendim ndalon punësimin e familjarëve në MPJD
Ministrja e Punëve të Jashtme dhe Diasporës, Donika Gërvalla, ka marrë vendim...
-
Sandulloviq falënderon Osmanin për ngritjen e çështjes së tij në mbledhjen e OKB-së
Politikani serb, Nikolla Sandulloviq, ka falënderuar presidenten e Kosovës pë...
-
Dënohen me burg shtatë të akuzuarit për dhunimin e 11-vjeçares, njëri lirohet
Gjykata Themelore në Prishtinë i ka dënuar me 72 vjet burgim shtatë të akuzua...
-
Deputeti ukrainas: Serbia ta pranojë Kosovën
Deputeti ukrainas, Oleksiy Goncharenko, thotë se Kosova nuk mund të jetë “zon...
-
Themelorja dhe Apeli konfirmojnë aktakuzën ndaj Dragisha Milenkoviqit për kri*e lufte në Kosovë
Gjykata Themelore e Prishtinës dhe Gjykata e Apelit kanë konfirmuar aktakuzën...
-
Osmani mbledh partnerët pas OKB-së: Kosova krenare që ka kaq shumë miq
Presidentja Vjosa Osmani pas takimit të Këshillit të Sigurimit në OKB ka mble...
-
Momenti kur kryesuesja e seancës së KS të OKB-së u bë nervoz me Vuçiqin, i bie edhe tavolinës me dorë
Të hënën është mbajtur seanca e Këshillit të Sigurimit të Kombeve të Bashkuar...
-
Gjendet 12-vjeçarja që u raportua e zhdukur në Pejë
Është gjetur 12-vjeçarja e cila ishte raportuar e zhdukur nga babai i saj në ...
-
Pse BE-ja s’i sanksionon politikanët e korruptuar?
Komisioni Evropian (KE) kishte propozuar para rreth një viti se Bashkimi Evro...
-
Policia apelon për kujdes në trafik pas reshjeve të shiut
Policia e Kosovës ka apeluar pjesëmarrësit në trafik për kujdes të shtuar gja...
-
Dy të lënduar në aksidentin mes dy veturave në Pejë
Një aksident trafiku ka ndodhur mëngjesin e sotëm në qytetin e Pejës, ku janë...
-
Shkoi në shkollë e nuk u kthye më, zhduket 12 vjeçarja në Pejë
Një vajzë 12 vjeçare është raportuar e zhdukur në Pejë, shkruan Gazeta Infoku...